Salmi 90 in diverse traduzioni
Ang Pulong sa Dios
90:0
APD
Ang pag-ampo ni Moises nga propeta sa Dios.
90:1
APD
Ginoo, ikaw ang among dalangpanan sukad pa kaniadto.
90:2
APD
Sa wala mo pa buhata ang mga bukid ug ang kalibotan, ikaw na ang Dios, ug ikaw ang Dios sa walay kataposan.
90:3
APD
Ikaw ang nagbuot sa kamatayon sa tawo; ibalik mo siya sa yuta nga mao ang iyang gigikanan.
90:4
APD
Ang usa ka libo ka tuig kanamo sama lang sa usa ka adlaw nga milabay alang kanimo, o murag pipila lang ka oras sa kagabhion.
90:5
APD
Gibutangan mo ug kataposan ang among kinabuhi sama sa damgo sama sa sagbot nga moturok ug motubo inigkabuntag,
90:6
APD
Labong kini sa buntag apan pagkahapon malaya ug mamatay.
90:7
APD
Ang imong kasuko makapalisang kanamo; ang imong kapungot makapalaglag kanamo.
90:8
APD
Nakita mo ang among mga sala, bisan ang mga sala nga gihimo namo sa tago.
90:9
APD
Tinuod nga mahanaw ang among kinabuhi tungod sa imong kasuko; matapos ang among kinabuhi nga daw usa lang ka panghupaw.
90:10
APD
Ang katas-on sa among kinabuhi 70 ka tuig, o 80 ka tuig kon baskog kami. Apan bisan pa ang labing maayo namong mga katuigan puno sa mga kaguol ug kalisod. Unya molabay kini, ug mahanaw kami.
90:11
APD
Walay pa gayoy nakasinati sa grabe mong kasuko. Ug samtang nagdugang ang among kahibalo bahin sa imong kasuko nagdugang usab ang among pagtahod kanimo.
90:12
APD
Pasabta kami nga mubo lang ang among kinabuhi, aron mahimo kaming maalamon sa among pagkinabuhi.
90:13
APD
Ginoo, hangtod kanus-a ang imong kasuko kanamo? Tagda ug kaloy-i kami, nga imong mga alagad.
90:14
APD
Kada buntag ipakita ang imong gugma kanamo aron mag-awit kami sa kalipay ug magmalipayon kami sa tibuok namong kinabuhi.
90:15
APD
Hatagi kami ug malipayong mga katuigan, sama kataas sa mga katuigan diin imo kaming gisilotan ug gipaantos.
90:16
APD
Ipakita kanamo nga imong mga alagad, ug sa among mga kaliwat, ang imong katingalahang buhat ug ang imong pagkagamhanan.
90:17
APD
Ginoo nga among Dios, hinaut nga panalanginan mo kami, ug hatagan ug kalamposan sa tanan namong buhaton.