Salmi 98 in diverse traduzioni
Пераклад Бокуна
98:1
Бокун
Псальм. Сьпявайце ГОСПАДУ новы сьпеў, бо Ён цуды ўчыніў! Правіца Ягоная і рамяно сьвятасьці Ягонай здабылі перамогу Яму.
98:2
Бокун
ГОСПАД зьявіў збаўленьне Сваё, перад вачыма народаў адкрыў праведнасьць Сваю.
98:3
Бокун
Узгадаў пра міласэрнасьць Сваю і вернасьць Сваю для дому Ізраіля. Усе канцы зямлі ўбачылі збаўленьне Бога нашага.
98:4
Бокун
Усклікай ГОСПАДУ, уся зямля! Цешцеся, і радуйцеся, і выслаўляйце!
98:5
Бокун
Выслаўляйце ГОСПАДА на гусьлях, на гусьлях і галосным сьпяваньнем!
98:6
Бокун
На трубах і гукам рогу ўсклікайце перад абліччам Валадара ГОСПАДА!
98:7
Бокун
Няхай мора гудзе і ўсё, што ў ім, сусьвет і ўсё, што жыве ў ім!
98:8
Бокун
Няхай пляскаюць у далоні рэкі, і горы радуюцца разам [з імі]
98:9
Бокун
перад абліччам ГОСПАДА, бо Ён ідзе судзіць зямлю. Сусьвет Ён будзе судзіць паводле праведнасьці і народы — паводле справядлівасьці.