Пс시 Псалтыр시편, псалом편 Псалтыр시편, псалом편 117

Алілуя.

Слаўце Госпада, бо Ён добры, бо вечная ласка Ягоная.Пс 135:1

Хай скажа сёньня дом Ізраілеў: Ён добры, бо вечная ласка Ягоная.

Хай скажа сёньня дом Ааронаў: Ён добры, бо вечная ласка Ягоная.

Хай скажуць сёньня, хто баіцца Госпада: Ён добры, бо вечная ласка Ягоная.

З уціску паклікаў я Госпада, і пачуў мяне, і на шырокае месца вывеў мяне Гасподзь.Іс 26:16

Гасподзь за мяне - не збаюся: што зробіць мне чалавек?Пс 26:1; Пс 55:12; Рым 8:31

Гасподзь мне памочнік: буду глядзець на ворагаў маіх.Габр 13:6

Лепей спадзявацца на Госпада, чым спадзявацца на чалавека.Пс 61:9; Пс 83:13; Пс 107:13

Лепей спадзявацца на Госпада, чым спадзявацца на князёў.

Усе народы абступілі мяне, але імем Гасподнім я іх скінуў;

Абступілі мяне, атачылі мяне; але імем Гасподнім я іх скінуў.1Цар 17:45

Абселі мяне, як пчолы соты, і пагасьлі, як вагонь у цёрне; імем Гасподнім я іх скінуў.Дрз 1:44; Іс 7:18

Моцна штурхнулі мяне, каб я ўпаў; але Гасподзь падтрымаў мяне.

Гасподзь сіла мая і песьня; Ён зрабіўся выратаваньнем маім.Вых 15:2; Іс 12:2

Голас радасьці і выратаваньня ў жытлішчах праведнікаў; правіца Гасподняя творыць сілу!

Правіца Гасподняя высока, правіца Гасподняя творыць сілу!

Не памру, а жыць буду і абвяшчацьму дзеі Гасподнія.Іс 53:11; Рым 6:9

Строга пакараў мяне Гасподзь, але сьмерцю мяне не скараў.Езк 18:21

Адчынеце мне браму праўды: увайду ў яе, праслаўлю Госпада,Іс 26:2; Габр 9:24

вось брама Госпада, праведныя ўвойдуць у яе.

Слаўлю Цябе, што Ты пачуў мяне і зрабіўся ратункам маім.

Камень, які адкінулі будаўнікі, зрабіўся галавою вугла.Іс 28:16; Мц 21:42; Мк 12:10

Гэта - ад Госпада, і гэта дзівосна ў нашых вачах.

Гэты дзень стварыў Гасподзь: парадуемся і ўзьвесялімся ў дзень гэты!

О, Госпадзе, выратуй! О, Госпадзе, пашчасьці!

Дабраславёны, хто ідзе ў імя Гасподняе! Дабраслаўляем вас з дома Гасподняга.Мц 21:9; Мк 11:9; Лк 19:38

Бог - Гасподзь, і апраменіў нас; зьвяжэце шнурамі ахвяру, вядзеце да нарожнікаў ахвярніка.

Ты - Бог мой: славіць буду Цябе; Ты - Бог мой: славіць буду Цябе, (славіць буду Цябе, бо Ты пачуў мяне і зрабіўся маім ратаваньнем).

Слаўце Госпада, бо Ён добры, бо вечная ласка Ягоная.Пс 135:1