1Пётр 1 Пятра, раздзел Першае пасланне Пятра, раздзел 1
Пётр, апостал Ісуса Хрыста, прышэльцам, расьсеяным у Поньце, Галятыі, Кападокіі, Асіі і Віфініі, выбраным1Пётр 2:9
паводле веданьня Бога Айца, пры асьвячэньні ад Духа, на паслушэнства і акрапленьне Крывёю Ісуса Хрыста: мілата вам і мір хай памножацца!Эф 1:4; Эф 1:7; Габр 12:24
Дабраславёны Бог і Айцец Госпада нашага Ісуса Хрыста, што зь вялікай Сваёй міласьці адрадзіў нас праз уваскрэсеньне Ісуса Хрыста зь мёртвых да жывое надзеі,Рым 6:4; Эф 1:3
да спадчыны нятленнай, чыстай, неўвядальнай, захаванай на нябёсах вам,2Цім 4:8
сілаю Божаю празь веру ахаваным на ратаваньне, якое гатова адкрыцца ў апошні час.Ян 10:28
З гэтага радуйцеся, пасмуткаваўшы цяпер крыху, калі трэба, ад розных спакусаў,Мц 5:12; 2Кар 4:17
каб выпрабаваная вера вашая сталася каштоўнейшаю за пагібельнае, хоць і вагнём прабаванае золата, на пахвалу і гонар і славу пры зьяўленьні Ісуса Хрыста,Ёў 23:10; Выс 17:3; Зах 13:9
Якога, ня бачыўшы, любіце, і Якога, дагэтуль ня бачачы, але веруючы ў Яго, прымаеце з радасьцю нявымоўнаю і слаўнаю,Ян 20:29; 2Кар 5:7
дасягаючы нарэшце вераю вашаю выратаваньня душ;Рым 6:23
якраз гэтага выратаваньня датычыліся вышукі і дасьледаваньні прарокаў, якія прадказвалі вызначаную вам мілату,Быц 49:10; Дан 2:44; Дан 9:24; Мц 13:17; 2Пётр 1:21
дасьледуючы, на каторы і на які час паказваў існы ў іх Дух Хрыста, калі Ён прадвяшчаў Хрыстовыя цярпеньні і славу, якая прыйдзе пасьля іх;Пс 21:7; Іс 53:3
ім адкрыта было, што ня ім самім, а нам служыла тое, што цяпер абвешчана вам празь зьвеставальнікаў Духам Сьвятым, пасланым зь нябёсаў, у што хочуць пранікнуць анёлы.Эф 3:10; 1Цім 3:16
Таму, (любасныя), аперазаўшы сьцёгны розуму вашага, чуваючы, майце поўную надзею на падаваную вам мілату ў зьяўленьні Ісуса Хрыста.Лк 12:35
Як паслухмяныя дзеці, ня кіруйцеся ранейшымі пажаданьнямі, якія былі ў няведаньні вашым,Дзеі 17:30
а на прыклад Сьвятога, Які паклікаў вас, і самі будзьце сьвятыя ва ўсіх учынках;Лк 1:75
бо напісана: «будзьце сьвятыя, бо Я сьвяты».Ляв 19:2; Ляв 11:44
І калі вы называеце Айцом Таго, Які бяз увагі на асобы судзіць кожнага паводле дзеяў, дык са страхам праводзьце час вандраваньня вашага,Дрз 10:17
ведаючы, што ня прахлым срэбрам ці золатам выкуплены вы з марнага жыцьця, перададзенага вам ад бацькоў,
а каштоўнай Крывёю Хрыста, як беспахібнага і чыстага Ягняці,1Ян 1:7; 1Кар 6:20; Эф 1:7; Габр 9:14; Адкр 1:5
Які наканаваны быў яшчэ да стварэньня сьвету, але зьявіўся ў апошні час вам,
якія ўверавалі празь Яго ў Бога, Які ўваскрэсіў Яго зь мёртвых і даў Яму славу, каб вы мелі веру і надзею на Бога.
Паслушэнствам ісьціне праз Духа ачысьціўшы душы вашыя да некрывадушнага браталюбства, няспынна любеце адно аднаго ад чыстага сэрца,1Пётр 2:17
як адроджаныя ня з тленнага насеньня, а ад нятленнага, ад слова Божага, жывога і нязбытнага давеку.Як 1:18
Бо ўсякая плоць - быццам трава, і ўсякая слава людзкая - быццам квет на траве, засохла трава - квет ейны апаў;
а слова Гасподняе вечна жыве. А гэта ёсьць тое слова, якое вам абвешчана.Іс 40:6