Пс Псалтыр, псалом Псалтыр, псалом 19
Кіроўцу хору. Псальма Давідава.
Хай пачуе цябе Гасподзь у дзень скрухі, хай абароніць цябе імя Бога Якаўлевага.Пс 17:7
Хай пашле табе дапамогу са Сьвятыні, і зь Сіёна хай падмацуе цябе.
Хай успомніць усе прынашэньні ахвяраў твае і цэласпаленьне тваё хай зробіць тлустым.
Няхай дасьць табе, што па сэрцы табе, і ўсе намеры твае няхай выканае.Пс 20:3; Іс 41:16
Мы парадуемся выратаваньню твайму, і ў імя Бога нашага падымем сьцяг. Няхай выканае Гасподзь усе просьбы твае.2Цар 8:6
Сёньня спазнаў я, што Гасподзь ратуе памазанца Свайго; адказвае яму са сьвятых нябёсаў Сваіх магутнасьцю ратавальнай правіцы Сваёй.
Некаторыя калясьніцамі, некаторыя конямі, а мы імем Госпада, Бога нашага, хвалімся:4Цар 19:23
яны пахіснуліся, і ўпалі, а мы ўсталі, і стаім проста.
Госпадзе! уратуй цара, і пачуй нас, калі паклічам.