Пс Псалтыр, псалом Псалтыр, псалом 56
Кіроўцу хору. Не загубі. Залатая псальма Давіда, калі ён уцёк ад Саўла ў пячору.1Цар 22:1
Зьлітуйся, Божа, зь мяне, зьлітуйся; бо на Цябе спадзяецца душа мая, і ў цяні крылаў Тваіх я схаваюся, пакуль ня мінуцца нягоды.Пс 50:3
Паклічу Бога Ўсявышняга, Бога, Які мне чыніць дабро;
Ён зь нябёсаў пашле, і ўратуе мяне; пасароміць таго, хто спрабуе мяне праглынуць, пашле Бог Сваю літасьць і праўду Сваю.Пс 55:3
Душа мая сярод ільвоў; я ляжу сярод тых, што дыхаюць полымем, сярод сыноў чалавечых, чые зубы - як дзіды і стрэлы, чый язык - востры меч.Пс 54:22
Будзь услаўлены вышэй за нябёсы, Божа, і над усёю зямлёю хай будзе слава Твая!Пс 107:6
На ногі мае ўгатавалі сетку: душа мая панікла; выкапалі перада мною яму, і самі ўпалі ў яе.Пс 7:16; Выс 26:27; Экл 10:8
Гатовае сэрца маё, Божа, гатовае сэрца маё: буду сьпяваць і славіць.Пс 107:2
Паўстань, слава мая, паўстань, псалтыр і арфа! Я ўстану рана.Пс 107:3
Славіць буду Цябе, Госпадзе, сярод народаў; славіць буду Цябе сярод плямёнаў,Пс 107:4
бо да нябёсаў вялікая ласка Твая і ў пазахмар'і праўда Твая.Пс 35:6
Узьнясіся вышэй за нябёсы, Божа, і над усёю зямлёю хай будзе слава Твая.Пс 56:6