Psa Mga Salmo, salmo Ang Libro sa Mga Salmo, salmo 1
Unang Libro
Sal. 1–41
Bulahan ang tawo nga wala nagkinabuhi
sumala sa tambag sa mga daotang tawo,
wala nagsunod sa ginabuhat sa mga makasasala,
ug wala nakig-uban sa mga bugal-bugalon.Psa 26:4; Jer 15:17; Pro 10:30
Kondili, nalipay siya sa pagsunod
sa mga katudloanan nga gikan sa Ginoo,
ug nagpamalandong siya niini adlaw ug gabii.Jos 1:8
Sama siya sa kahoy nga gitanom sa daplin sa sapa,
nga mamunga sa panahon sa tingbunga,
ug dili malaya ang mga dahon.
Ug ang tanan niyang buhaton magmalampuson.Psa 92:12; Jer 17:8
Apan dili ingon niana ang mga tawong daotan;
sama sila sa tahop nga paliron lang sa hangin.Job 21:18; Isa 29:5
Busa sa adlaw sa paghukom, silotan sila sa Dios,
ug dili sila iipon sa mga matarong.Mat 25:32
Kay ginagiyahan sa Ginoo ang pagkinabuhi
sa mga matarong,
apan ang pagkinabuhi sa mga daotan maghatod kanila