Psa Mga Salmo, salmo Ang Libro sa Mga Salmo, salmo 46
Ang awit alang sa maestro sa mga mag-aawit. Ang awit sa mga anak ni Kora. Awita kini sa taas nga tingog.Psa 42:0
Ang Dios mao ang atong kusog ug tigpanalipod.
Andam gayod siya kanunay sa pagtabang sa panahon sa kalisod.Psa 18:2; Pro 18:10; Hab 3:19
Busa dili kita mahadlok bisan pag matay-og ang yuta
ug mangatumpag ang mga bukid ngadto sa kinahiladman sa dagat,
o bisan pa kon magdahunog ug grabe kakusog ang mga balod sa dagat,
ug mauyog ang mga bukid tungod niini.
Adunay suba nga naghatag ug kalipay sa siyudad sa Dios,
ang balaan nga puloy-anan sa Labing Halangdong Dios.
Ang Dios nagpuyo niini nga siyudad,
busa dili kini malaglag.
Sayo pa moabot ang Dios sa pagtabang niini.Isa 33:20; Ezk 48:35; Zec 2:5
Nagkaguliyang ang mga nasod;
nangatay-og ang mga gingharian.
Sa singgit sa Dios matunaw ang kalibotan.
Ang Ginoo nga Makagagahom kauban nato.
Siya nga Dios ni Jacob mao ang atong dalangpanan.Rom 8:31
Dali, tan-awa ang mga gipangbuhat sa Ginoo,
ang katingalahang mga butang nga iyang gihimo sa kalibotan.Psa 66:5
Gipahunong niya ang mga gira sa tibuok kalibotan46:9 tibuok kalibotan: sa literal, kinatumyan sa kalibotan..
Gipamali niya ang mga pana
ug mga bangkaw, ug gidaoban ang mga taming.Psa 76:3; Hos 2:18
Miingon siya, “Hunonga na ninyo ang panag-away ug ilha ninyo ako nga Dios.
Ang tanang kanasoran sa tibuok kalibotan magdayeg kanako.”Isa 64:1-2
Ang Ginoo nga Makagagahom kauban nato.
Ang Dios ni Jacob mao ang atong dalangpanan.Rom 8:31