Эф Эфесянам, раздзел Пасланне да Эфесян, раздзел 2
І вас, мёртвых за злачынствы і грахі вашыя,Кал 2:13
у якіх вы калісьці жылі, згодна са звычаямі сьвету гэтага, па волі князя, які ўладарыць у паветры, духа, які дзее цяпер у сынах супраціву,Ян 12:31; 1Кар 6:11; Кал 3:7
сярод якіх і мы калісьці жылі ў нашых плоцкіх жадобах, выконваючы пахаценьне плоці і помыслаў, і былі па прыродзе дзецьмі гневу, як і астатнія,
Бог, багаты міласэрнасьцю, зь вялікай сваёй любові, якою палюбіў вас,Рым 2:4
і нас, мёртвых за злачынствы, ажыватварыў з Хрыстом, - мілатою вы ўратаваныя,Рым 8:11
і ўваскрэсіў зь Ім і пасадзіў на нябёсах у Хрысьце Ісусе,
каб зьявіць у наступных вяках найшчадрэйшае багацьце мілаты Сваёй у даброці да нас у Хрысьце Ісусе.Эф 3:8
Бо мілатою вы ўратаваныя празь веру, і гэта не ад вас, - Божы дар:Дзеі 15:11
не ад дзеяў, каб ніхто не хваліўся.Рым 3:20
Бо мы - Ягоныя стварэньні, створаныя ў Хрысьце Ісусе на добрыя дзеі, якія Бог быў назначыў нам выконваць.Іс 44:21; Ціт 2:14; Габр 13:21
Дык вось памятайце, што вы, колісь язычнікі па плоці, якіх называлі «неабрэзанымі», так званыя «рукатворна абрэзаныя на плоці»,
што вы былі ў той час бяз Хрыста, адсечаныя ад грамадзтва Ізраільскага, чужыя запаветам абяцаньня, ня мелі надзеі і былі бязбожнікі ў сьвеце;Нээм 2:20; Езк 13:9; Рым 9:4; Кал 1:21
а цяпер у Хрысьце Ісусе вы, што былі колісь далёка, сталіся блізкімі Крывёю Хрыстоваю:Дзеі 2:39
бо Ён ёсьць мір наш, Які зрабіў з двух адно і зруйнаваў перашкоду пасярэдзіне -Іс 9:6; Ян 16:33
скасаваўшы варожасьць Плоцьцю Сваёю, - а закон запаведзяў - вучэньнем, каб з двух стварыць у Сабе Самім аднаго новага чалавека, сталюючы мір,2Кар 5:17
і ў адным целе прымірыць абодвух з Богам крыжам, забіўшы на гэтым варожасьць;
і, прыйшоўшы, «абвяшчаў мір вам, далёкім, і блізкім»,Іс 57:19; Зах 9:10
бо празь Яго і тыя і другія маем доступ да Айца, у адным Духу.Ян 14:6; Рым 5:2; Габр 10:19
Дык вось, вы ўжо ня чужынцы і ня прыхадні, а суграмадзяне сьвятым і свае Богу,
уцьверджаныя на аснове апосталаў і прарокаў, маючы Самога Ісуса Хрыста каменем вугла,Іс 28:16; 1Пётр 2:4
на якім увесь будынак, моцна складаны, вырастае ў сьвяты храм у Госпадзе,Кал 2:19
на якім і вы будуецеся ў селішча Божае Духам.2Кар 6:16