Пс Псалтыр, псалом Псалтыр, псалом 47
Песьня. Псальма сыноў Карэевых.
Вялікі Гасподзь і праслаўлены вельмі ў горадзе Бога нашага, на сьвятой гары Ягонай.Пс 144:3; Габр 12:22; Адкр 14:1
Прыгожае ўзвышша, радасьць усёй зямлі гара Сіён; на паўночным схіле яе горад вялікага Цара.Езк 40:2
Бог у харомах ягоных вядомы як цьвярдыня:2Пар 20:8; Зах 8:3; Мал 1:14
бо вось, сышліся цары і прайшлі ўсе міма;
убачылі і дзіву даліся, спалохаліся і паўцякалі:4Цар 19:35
агарнуў іх там страх і пакута, быццам боль парадзіху;4Цар 19:3; Іс 21:3
усходнім ветрам разьбіў Ты Тарсіскія караблі.Іс 27:8
Як мы чулі, так і ўбачылі ў горадзе Госпада сілы, у горадзе Бога нашага; Бог уцьвердзіць яго навечна.
Разважалі мы, Божа, пра добрасьць Тваю пасярод храма Твайго.
Як імя Тваё, Божа, так і слава Твая да краю зямлі; правіца Твая поўная праўды.4Цар 19:15; Дзеі 19:17
Хай весяліцца гара Сіён, хай радуюцца дочкі юдэйскія дзеля судоў Тваіх, Госпадзе.
Атачэце Сіён, і абступеце яго; палічэце ягоныя вежы;
Зьвярнеце сэрца ваша на ўмацаваньні ягоныя; разгледзьце будынкі ягоныя, каб расказаць пакаленьню наступнаму,
бо гэты Бог ёсьць Бог наш на векі вечныя; Ён будзе павадыром нам да самае сьмерці.Іс 25:9