Ціт Ціту, раздзел Пасланне да Ціта, раздзел 2
А ты гавары, як належыць здароваму вучэньню:Ціт 1:9
каб старыя былі пільныя, сумленныя, цьвярозыя, здаровыя ў веры, любові, цярплівасьці;
каб старыя жанчыны паводзілі сябе, як належыцца сьвятым, не паклёпнічалі, не пілі шмат віна, вучылі добраму,1Цім 2:9
каб вучылі мудрасьці маладых, каб тыя любілі мужоў, любілі дзяцей,
былі цьвярозыя, чыстыя, гаспадарлівыя, добрыя, падпарадкаваныя сваім мужам, каб не было блюзьненьня на слова Божае.Быц 3:16; Эф 5:22
Маладых людзей таксама ўпрошвай думаць цьвяроза,
у-ва ўсім даючы сябе за прыклад добрых учынкаў, у навучаньні — чысьціню, сумленнасьць, непахібнасьць,1Пётр 5:3; 1Цім 4:12
слова здаровае, ненаганнае, каб той, хто супрацівіцца, быў асаромлены, ня маючы нічога благога сказаць пра нас.1Пётр 2:12
Слугаў [навучай] падпарадкоўвацца сваім уладарам, у-ва ўсім падабацца ім, не пярэчачы,1Пётр 2:18; Эф 6:5; Кал 3:22
не прыхоўваючы сабе, але зьяўляючы ўсю добрую вернасьць, каб у-ва ўсім аздаблялі вучэньне Збаўцы нашага Бога.
Бо зьявілася ласка Божая, што дае збаўленьне для ўсіх людзей,Лк 1:47; Лк 2:30; Лк 3:6; Ціт 3:4
якая навучае нас, каб, адрокшыся ад бязбожнасьці і пажадлівасьцяў сьвету, цьвяроза, праведна і пабожна жылі мы ў цяперашнім веку,1Ян 2:15; Эф 1:4
чакаючы шчасьлівае надзеі і зьяўленьня славы вялікага Бога і Збаўцы нашага Ісуса Хрыста,Дзеі 24:25; 1Ян 3:2
Які даў Сябе за нас, каб выбавіць нас ад усякага беззаконьня і ачысьціць Сабе народ асаблівы, які рупіцца пра добрыя справы.Вых 19:6; Гал 1:4; Эф 2:10; Габр 9:14
Гэтае кажы, упрошвай і дакарай з усякім загадам; няхай ніхто табою не пагарджае.