Lam Pagbangotan, kapitulo Ang Libro sa Pagbangotan, kapitulo 5
Pag-ampo alang sa Pagpasig-uli
O Ginoo, hinumdomi kon unsa ang nahitabo kanamo.
Tan-awa ang gidangatan namo nga kaulawan.Ezk 5:14
Ang among mga yuta ug mga balay
gipanag-iya na sa mga langyaw.Jer 6:12
Nailo kami sa amahan,
ug ang among mga inahan nabalo.
Gipalit namo ang tubig nga among giinom
ug ang kahoy nga among gisugnod.Ezk 4:16
Gipatrabaho kami nga daw mga mananap,
ug wala gayod papahulaya.
Nagpasakop kami sa mga taga-Ehipto
ug taga-Asiria aron lang makakaon kami.
Nagpakasala ang among mga katigulangan nga nangamatay na,
ug kami ang nag-antos tungod sa ilang sala.Exo 20:5; Jer 31:29; Ezk 8:2
Gidumalahan kami sa mga ulipon,
ug walay makaluwas kanamo gikan sa ilang mga kamot.Deu 28:48
Namiligro ang among kinabuhi sa pagpangita namog pagkaon
tungod sa mga tulisan sa kamingawan.
Gihilantan kami sa labihan nga kagutom,
ug ang among lawas murag hurnohan sa kainit.Ezk 22:22
Gipanglugos ang among mga asawa
ug mga anak nga dalaga didto sa Zion
ug sa mga lungsod sa Juda.Deu 28:30
Gibitay pinaagi sa ilang mga kamot ang among mga pangulo,
ug wala tahora ang among mga tigulang.Lam 4:16
Ang among mga batan-ong lalaki gipugos
nga maggaling nga daw mga ulipon.
Ang mga kabataan nagsusapinday sa kabug-at
sa mga kahoy nga ilang gipas-an.
Ang mga tigulang wala na manglingkod sa ganghaan
sa siyudad sa paghatag ug tambag.
Ug ang mga batan-ong lalaki miundang na
sa pagtukar ug mga honi.
Wala na kamiy kalipay. Imbis nga magsayaw,
nagsubo na hinuon kami.Hos 2:11
Wala na ang among kadungganan.
Alaot kami, tungod kay nakasala kami.Jer 13:18
Tungod niini gibati namo ang labihan nga kasakit,
ug nagngitngit ang among mga panan-aw.Jer 13:16
Nahimo nang awaaw ang Jerusalem,5:18 Jerusalem: sa Hebreo, Bukid sa Zion.
ug gisuroy-suroyan na lang kini sa ihalas nga mga iro.5:18 ihalas nga mga iro: sa English, “jackals”.
O Ginoo, naghari ka sa walay kataposan.
Ang imong paghari nagpadayon hangtod sa kahangtoran.Psa 9:7
Nganong kanunay mo man kaming kalimtan?
Nganong gisalikway mo man kami sulod sa taas nga panahon?Psa 13:1
O Ginoo, pabalika kami kanimo ug mobalik kami.
Ibalik kanamo ang among maayong kahimtang.Jer 31:18
Gisalikway mo na ba gayod kami?
Labihan pa ba ang imong kasuko kanamo?