Psa Mga Salmo, salmo Ang Libro sa Mga Salmo, salmo 27
Awit ni David.
Ang Ginoo mao ang akong kahayag, manluluwas, ug tigpanalipod,
busa wala akoy angayng kahadlokan.Psa 118:6; Mic 7:8
Sa higayon nga sulongon ako sa akong daotang mga kaaway aron patyon,
madagma ug malup-og sila.
Bisan pa ug libotan ako sa daghang sundalo,
dili ako mahadlok.
Bisan pa ug maggira,
mosalig gihapon ako sa Dios.Psa 3:6
Usa ra ka butang ang akong gipangayo sa Ginoo
ug mao gayod kini ang akong gihandom pag-ayo:
nga makapuyo ako sa iyang balay sa tibuok kong kinabuhi,
ug didto makapamalandong ako sa iyang kaayo
ug makapangayo sa iyang paggiya.Psa 23:6
Kay sa panahon sa katalagman tagoan niya ako
ug panalipdan diha sa iyang templo.
Ipahimutang niya ako sa dapit diin luwas ako sa katalagman.27:5 dapit diin luwas ako sa katalagman: sa literal, sa habog nga bato.Psa 31:20
Busa magmadaogon ako batok sa akong mga kaaway
nga naglibot kanako,
ug maghalad ako sa Templo sa Ginoo
nga adunay paghugyaw sa kalipay.
Mag-awit ako kaniya!
Pamatia ako, Ginoo, kon motawag ako kanimo;
kaloy-i ako ug tubaga ang akong pag-ampo.Psa 4:1
Miingon ka nga modangop ako kanimo,
busa midangop ako kanimo, Ginoo.Psa 50:15
Ayaw pagtago gikan kanako.
Ayaw ako isalikway tungod sa imong kasuko kanako,
nga imong sulugoon.
Ikaw ang nagtabang kanako,
busa ayaw ako pasagdi o isalikway,
O Dios nga akong manluluwas.1Ki 8:57
Bisan pa ug isalikway ako sa akong amahan ug inahan,
atimanon mo gihapon ako, Ginoo.Isa 63:16; Isa 64:8
Tudloi ako sa imong pamaagi.
Tultoli ako sa hustong dalan,
tungod kay giatangan ako sa akong mga kaaway.Psa 25:4; Psa 86:11
Ayaw ako itugyan kanila,
kay gibutang-butangan nila ako sa butang nga wala ko gayod mahimo,
ug gusto nila akong daoton.Psa 31:8
Apan nagtuo ako nga masinati ko ang imong kaayo, Ginoo,
samtang buhi pa ako.Isa 38:11
Salig kamo sa Ginoo!
Pagpakalig-on kamo ug ayaw pagpakawala ug paglaom.