Выс Выслоўі, раздзел Кніга выслоўяў Саламонавых, раздзел 31
Слова Лемуіла цара. Настаўленьне, якое дала яму маці ягоная:
што, сыне мой? Што, сыне ўлоньня майго? Што, сыне зарокаў маіх?
Не аддавай жанчыне сілы тваёй, ні шляхоў тваіх пагубніцам цароў.Дрз 17:17
Не царам, Лемуіле, не царам піць віно, і не князям - сякеру,
каб, напіўшыся, яны не забылі закона і не перакруцілі суд усіх прыгнечаных.Эст 3:15; Іс 5:22
Дайце сякеру таму, хто гіне, і віно засмучанаму душою;Нээм 8:10
хай ён вып'е і забудзе беднасьць сваю і не згадае больш пра сваю пакуту.
Размыкай вусны свае за безгалосага і дзеля абароны ўсіх занядбаных.Выс 24:11
Размыкай вусны свае дзеля правасудзьдзя і дзеля беднага і гаротнага.Ляв 19:15; Дрз 1:16
Хто знойдзе дабрадзейную жонку? цана яе вышэй за жэмчуг.Выс 12:4; Выс 18:22
Пэўнае ў ёй сэрца мужа яе, і не застанецца ён бяз прыбытку.Выс 14:1
Яна аддае яму дабром, а ня злом, ва ўсе дні жыцьця свайго.
Здабывае воўну і лён, і ахвотна працуе сваімі рукамі.
Яна, як купецкія караблі, здалёку вязе свой хлеб.
Яна ўстае на досьвітку, і раздае ежу ў доме сваім і належнае слугам сваім.
Падумае пра поле, і купляе яго; ад плёну рук сваіх садзіць вінаграднік.
Апярэзвае сілаю сьцёгны свае і мацуе мышцы свае.
Яна адчувае, што занятак яе добры, і - сьветач яе ня тухне і ўначы.
Працягвае рукі свае да прасьніцы, і пальцы яе бяруцца за верацяно.
Далоню сваю яна растуляе беднаму, і руку сваю падае ўбогаму.
Не баіцца сьцюжы для сям'і сваёй, бо ўся сям'я яе апранута ў двайную адзежу.Экл 10:18
Яна робіць сабе дываны; вісон і пурпура - вопратка яе.
Муж яе вядомы каля брамы, калі сядзіць са старэйшынамі зямлі.
Яна робіць покрывы, і прадае, і паясы дастаўляе купцам Фінікійскім.
Моц і прыгажосьць яе - вопратка яе, і весела глядзіць яна ў будучыню.1Пётр 3:4
Вусны свае растуляе з мудрасьцю, і добрая парада на языку ў яе.Ціт 2:3
Яна сочыць за гаспадаркай у доме сваім і ня есьць хлеба гультайскага.
Устаюць дзеці - і дагаджаюць ёй, - муж, і хваліць яе:
«шмат было жонак дабрадзейных; але ты пераўзышла іх усіх».
Мілавіднасьць падманлівая і прыгажосьць марная; а жонка, якая баіцца Госпада, вартая пахвалы.Выс 11:22
Дайце ёй ад плёну рук яе, і хай праславяць яе каля брамы ўчынкі яе!Мк 14:9