Кал Каласянам, раздзел Пасланне да Каласян, раздзел 1
Павал, воляю Божаю апостал Ісуса Хрыста, і Цімафей брат,
сьвятым у Калосах і верным братам у Ісусе Хрысьце:
мілата вам і мір ад Бога Айца нашага і Госпада Ісуса Хрыста. Дзякуем Богу і Айцу Госпада нашага Ісуса Хрыста, увесь час у малітве за вас,Флп 1:3
дачуўшыся пра веру вашую ў Хрыста Ісуса і пра любоў да ўсіх сьвятых,Габр 6:10
маючы надзею на ўгатаванае вам на нябёсах, пра што вы раней чулі ў праўдзівым слове зьвеставаньня,
якое жыве ў вас, як і вы ўва ўсім сьвеце, і родзіць плод і ўзрастае, як і паміж вамі, з таго дня, як вы пачулі і ўведалі мілату Божую ў ісьціне,Мц 13:8; Ян 15:16
як і навучыліся ад Эпафраса, любаснага супрацоўніка нашага, вернага вам службіта Хрыстовага,
які і паведаміў нам пра вашую духоўную любоў.
Таму і мы з таго дня, як гэта пачулі, не перастаём маліцца за вас і прасіць, каб вы дайшлі да поўнага спазнаньня волі Ягонай ва ўсякай мудрасьці і разуменьні духоўным,Рым 12:2
каб жылі годна Бога, ува ўсім дагаджаючы Яму, родзячы плод ва ўсякай працы добрай і ўзрастаючы ў спазнаньні Бога,Эф 4:1; Флп 1:27; 1Фес 2:12
мацуючыся ўсякаю сілаю праз магутнасьць славы Ягонай, ва ўсякай цярплівасьці і вялікадушнасьці з радасьцю,Дзеі 5:41
дзякуючы Богу і Айцу, Які паклікаў нас да ўдзелу ў спадчыне сьвятых у сьвеце,Дзеі 26:18
вызваліў нас з-пад улады цемры і ўвёў у Царства любаснага Сына Свайго,Мц 3:17; Габр 2:15
у Якім мы маем адкупленьне Крывёю Ягонаю і дараваньне грахоў,Рым 3:25
Які ёсьць вобраз Бога нябачнага, народжаны раней за ўсякае стварэньне;Выс 8:22; Габр 1:3
бо Ён стварыў усё, што на нябёсах і што на зямлі, бачнае і нябачнае: хай тое троны, хай тое дзяржавы, хай тое начальствы, хай тое ўлады, - усё Ім і для Яго створана;Ян 1:3; Эф 3:9; Габр 1:2
і Ён ёсьць раней за ўсё, і ўсё існуе Ім.Ян 1:1
І Ён ёсьць галава цела Царквы; Ён пачатак, першынец зь мёртвых, каб меў Ён ва ўсім першынства:Рым 8:29; 1Кар 15:20; Эф 1:22
бо заўгодна было Айцу, каб у Ім жыла ўся паўната,Кал 2:9
і каб празь Яго замірыць з Сабою ўсё, устанавіўшы мір празь Яго, Крывёю крыжа ягонага, і зямное і нябеснае.Іс 9:6; Лк 2:14
І вас, якія калісьці былі адчужаныя і ворагі думкамі, і схільнасьцю да ліхіх учынкаў,
цяпер замірыў у целе плоці Ягонай, сьмерцю (Ягонай), каб явіць вас сьвятымі і беззаганнымі і невінаватымі перад Сабою,Лк 1:75; Рым 5:10; 1Кар 1:2; Эф 1:4; Ціт 2:14
калі толькі вы цьвёрдыя і непахісныя ў веры і не адпадаеце ад надзеі зьвеставаньня, якое вы чулі, якое абвешчана ўсім стварэньням паднябесным, якому я, Павал, зрабіўся слугою.
Сёньня радуюся ў цярпеньнях маіх за вас і дапаўняю нястачу ў плоці маёй скрухаў Хрыстовых за цела Ягонае, якое ёсьць Царква,Рым 5:3
якой я зрабіўся службітом згодна з устанаўленьнем Божым, давераным мне для вас, каб выканаць слова Божае,1Кар 4:1; 1Кар 9:17
тайну, схаваную ад вякоў і родаў, а сёньня адкрытую сьвятым Ягоным,Рым 14:24; Эф 3:9
якім дабараволіў Бог паказаць, якое багацьце славы ў тайне гэтай для язычнікаў, якая ёсьць Хрыстос у вас, надзея славы,Рым 9:23; Эф 3:17
Якога мы прапаведуем, настаўляючы на розум кожнага чалавека і навучаючы ўсялякай мудрасьці, каб паказаць кожнага чалавека дасканалым у Хрысьце Ісусе;2Кар 11:2
дзеля чаго я і працую і змагаюся сілай Ягонай, якая дзее ўва мне магутна.1Кар 15:10; Флп 2:13