Быц Быццё, раздзел Першая кніга Майсеева. Быццё, раздзел 13
І падаўся Абрам зь Егіпта, сам і жонка ягоная, і ўсё, што ў яго было, і Лот зь ім, на поўдзень.Пс 104:13
І быў Абрам вельмі багаты быдлам і срэбрам і золатам.Быц 24:35; Выс 10:22
І прадоўжыў ён пераходы свае з поўдня да Вэтыля, да мясьціны, дзе раней быў намёт ягоны паміж Вэтылем і Гаем,Быц 12:8; Быц 35:6
да месца ахвярніка, які ён зрабіў там напачатку; і там заклікаў Абрам імя Госпада.Быц 12:7
І ў Лота, які хадзіў з Абрамам, таксама было дробнае і буйное быдла і намёты.
І не ўмяшчала іх зямля, каб жыць ім разам, бо маёмасьць іхняя была такая вялікая, што яны не маглі жыць разам.Быц 36:7
І была спрэчка паміж пастухамі быдла Абрамавага і пастухамі быдла Лотавага; і Хананэі і Фэрэзэі жылі тады ў той зямлі.Быц 21:25
І сказаў Абрам Лоту: хай ня будзе разладу паміж мною і табою, і паміж пастухамі маімі і пастухамі тваімі, бо мы родзічы;Пс 33:15; Быц 11:27; Быц 14:12
ці ня ўся зямля перад табою? аддзяліся ж ад мяне: калі ты налева, дык я направа; а калі ты направа, дык я налева.
Лот узьвёў вочы свае і ўбачыў усё навакольле Ярданскае, што яно, перш чым зьнішчыў Гасподзь Садому і Гамору, усё да Сігора расілася вадою, як сад Гасподні, як зямля Егіпецкая;Быц 2:8; Іс 51:3; Езк 28:13
і выбраў сабе Лот усё навакольле Ярданскае; і рушыў Лот на ўсход. І аддзяліліся яны адзін ад аднаго.
Абрам пачаў жыць на зямлі Ханаанскай; а Лот пачаў жыць у гарадах навакольля і раскінуў намёты да Садомы.
А жыхары Садомскія былі ліхія і вельмі грэшныя прад Госпадам.Быц 18:20; Быц 19:13; Езк 16:49
І сказаў Гасподзь Абраму, пасьля таго як Лот аддзяліўся ад яго: узьвядзі вочы твае і зь месца, на якім ты цяпер, паглядзі на поўнач і на поўдзень, і на ўсход і на захад;
бо ўсю зямлю, якую ты бачыш, табе дам Я і нашчадкам тваім навечна,Быц 12:7; Быц 15:18; Быц 26:4; Дрз 34:4
і зраблю нашчадкаў тваіх, як пясок зямны; калі хто можа палічыць пясок зямны, дык і нашчадкі твае палічаны будуць;Быц 32:12; Дрз 10:22
устань, прайдзі па зямлі гэтай удаўжыню і ўшырыню яе: бо Я табе дам яе.
І рушыў Абрам з намётамі, і пайшоў, і пасяліўся каля дубровы Мамрэ, што ў Хэўроне; і паставіў там ахвярнік Госпаду.Лік 13:23