Лк Лукаша, раздзел Паводле Лукаша Святое Дабравесце, раздзел 21
І глянуўшы, Ён убачыў багатых, што клалі дары свае ў скарбонку;Мк 12:41
убачыў таксама і бедную ўдаву, якая паклала туды дзьве лепты,
і сказаў: праўду кажу вам, што гэтая бедная ўдава больш за ўсіх паклала;2Кар 8:12
бо ўсе тыя ад лішку свайго паклалі Богу, а яна ад нястачы сваёй паклала ўвесь пражытак свой, які мела.
І калі некаторыя гаварылі пра храм, што ён упрыгожаны дарагімі камянямі і дарамі, Ён сказаў:Мц 24:1; Мк 13:1
прыйдуць дні, у якія з таго, што вы тут бачыце, не застанецца каменя на камені; усё будзе разбурана.3Цар 9:7; Лк 19:44
І спыталіся ў Яго: Настаўнік! калі ж гэта будзе? і якая прыкмета, калі адбыцца павінна?
Ён сказаў: сьцеражэцеся, каб вас не ўвялі ў аблуду; бо многія прыйдуць пад імем Маім, кажучы, што гэта Я; і гэты час блізкі. Не хадзеце сьледам за імі.Мц 24:4; Мк 13:5; 1Ян 4:1; Эф 5:6; 2Фес 2:3
А як пачуеце пра войны і смуты, не жахайцеся: бо гэта павінна быць раней; але не адразу канец.
Тады сказаў ім: паўстане народ на народ, і царства на царства;Іс 19:2
будуць вялікія землятрусы месцамі, і голад і пошасьці, і вусьцішныя зьявішчы і вялікія азанакі зь неба.
Але раней за ўсё тое накладуць на вас рукі і будуць гнаць вас, выдаючы ў сынагогі і ў цямніцы, і паставяць перад царамі і правіцелямі за імя Маё,Мц 10:17; Мц 24:9; Мк 13:9; Ян 15:20
а будзе гэта вам на сьведчаньне.
Дык вось, пакладзеце сабе на сэрца не абдумваць наперад, што адказваць;Лк 12:11
бо Я дам вам вусны і мудрасьць, якой ня здолеюць супярэчыць, ні супрацьстаяць усе, хто супрацівіцца вам.Вых 4:12; Дзеі 6:10
Выдадзены таксама будзеце і бацькамі і братамі, і родзічамі і сябрамі, і некаторых з вас заб'юць;Міх 7:6
і будзеце зьненавіджаныя ўсімі за імя Маё;
але і волас з галавы вашай не прападзе.
Цярпеньнем вашым ратуйце душы вашыя.Мц 10:22
Калі ж убачыце Ерусалім, абложаны войскам, тады ведайце, што наблізіўся заняпад яго:Дан 9:27; Мц 24:15; Мк 13:14
тады ўсе, хто ў Юдэі, хай уцякаюць у горы; і хто ў горадзе, выходзь зь яго; і хто ў навакольлі, не ўваходзь у яго,
бо гэта дні помсты, хай збудзецца ўсё напісанае.Зах 14:1
Ды гора цяжарным і тым, што кормяць грудзьмі ў тыя дні; бо вялікая будзе нягода на зямлі і гнеў на народ гэты:
і палягуць ад вострага меча, і павядуцца ў палон ва ўсе народы; і Ерусалім будзе таптаны язычнікамі, дакуль ня скончацца часы язычнікаў.
І будуць азнакі ў сонцы і ў месяцы і ў зорках, а на зямлі заняпад духу народаў і недаўмёнасьць; і мора зашуміць і забушуе;Іс 13:10; Езк 32:7; Ёіл 2:31; Ёіл 3:15; Ам 5:20; Ам 8:9; Саф 1:15; Мц 24:29; Мк 13:24
людзі будуць здыхаць ад страху і чаканьня нягодаў, што пойдуць на сьвет, бо сілы нябесныя пахіснуцца.
І тады ўбачаць Сына Чалавечага, Які будзе ісьці на аблоках у сіле і славе вялікай.Дан 7:10; Мк 13:26
А калі пачне гэта збывацца, тады схілцеся і падымеце галовы вашыя, бо набліжацьмецца збавеньне вашае.Рым 8:23
І сказаў ім прытчу: паглядзеце на смакоўніцу і на ўсе дрэвы:
калі яны ўжо распускаюцца, дык, бачачы гэта, ведаеце самі, што ўжо блізка лета.
Так, і калі вы ўбачыце, што тое збываецца, ведайце, што блізка Царства Божае.
Праўду кажу вам: ня міне род гэты, як ўсё тое будзе:
неба і зямля мінуцца, а словы Мае ня мінуць.Пс 101:27; Іс 51:6; Мц 24:35
Глядзеце ж за сабою, каб сэрцы вашыя не абцяжарваліся абжорствам і п'янствам і клопатам будным, і каб дзень той не застаў вас зьнянацку:1Пётр 4:7; Рым 13:13; 1Фес 5:6
бо ён, як сетка, накрые ўсіх, хто жыве па ўсім улоньні зямным;Іс 24:17
дык вось, чувайце ва ўсякі час і малецеся, і хай спадобіцеся ўнікнуць усіх гэтых будучых нягодаў і паўстаць перад Сынам Чалавечым.Мц 24:42; Мц 25:13; Мк 13:33
Удзень Ён вучыў у храме; а ночы, выходзячы, праводзіў на гары, называнай Аліўнай.Ян 8:2
І ўвесь люд з раніцы прыходзіў да Яго ў храм слухаць Яго.