Выс Выслоўі, раздзел Кніга выслоўяў Саламонавых, раздзел 21
Сэрца цара ў руках у Госпада, як патокі водаў: куды захоча, Ён кіруе яго.2Пар 36:22
Усякі шлях чалавека просты ў вачах ягоных; а Гасподзь узважвае сэрцы.Выс 16:2
Справядлівасьць і праўду чыніць - больш даспадобы Госпаду, чым ахвяра.Ас 6:6
Гонар вачэй і пыха сэрца, сьветачы бязбожнікаў - грэх.
Задумы руплівага вядуць да дастатку, а кожны сквапны церпіць нястачу.Выс 10:4
Набываньне скарбу ілжывым языком - мімалётная марнасьць тых, што шукаюць сьмерці.
Гвалт бязбожных абернецца супроць іх, бо яны выракліся праўды.
Крывая дарога ў чалавека разбэшчанага; а хто чысты, у таго ўчынкі пабожныя.
Лепей жыць у закутку на даху, чым са сварліваю жонкай у прасторным доме.Выс 25:24
Душа бязбожніка прагне ліхаты: ня знойдзе літасьці ў вачах яго і сябар ягоны.
Калі караюць блюзьнера, просты робіцца мудрым; і калі настаўляецца на розум мудры, дык ён набывае веды.Выс 19:25
Праведнік назірае за домам бязбожніка: як упадаюць бязбожныя ў няшчасьце.
Хто затуляе вуха сваё ад ляманту беднага, той і сам будзе лямантаваць - і ня будзе пачуты.Выс 3:27
Дарунак таемны тушыць гнеў, а дарунак запазуху - моцную лютасьць.1Цар 25:18
Чыніць правасудзьдзе - радасьць праведніку і страх тым, хто нясе зло.
Чалавек, які зьбіўся з дарогі розуму, спачне ў зборні мёртвых.
Хто любіць весялосьць - зьбедніцца; і хто любіць віно і масьці - не разбагацее.Выс 23:21
Выкупам будзе за праведнага бязбожны, і за пабожнага - хітры.
Лепей жыць у зямлі пустэльнай, чым з жонкаю сварліваю і сярдзітаю.Выс 25:24
Жаданы скарб і масьць - у доме ў мудрага; а неразумны чалавек распускае іх.
Хто трымаецца праўды і ласкі, знойдзе жыцьцё, праўду і славу.Выс 19:17
Мудры ўваходзіць у горад моцных і руйнуе цьвярдыню іхняй надзеі.Экл 9:16
Хто беражэ вусны свае і язык свой, той асланяе ад бяды душу сваю.
Пыхлівы злодзей - блюзьнер імя яму - дзее ў запале пыхі.
Прагнасьць гультая заб'е яго, бо рукі ў яго адмаўляюцца працаваць;
кожны дзень ён моцна прагне, а праведнік дае і не шкадуе.Пс 36:26
Ахвяра бязбожных - агіднасьць, асабліва калі з хітрасьцю прыносяць яе.Выс 15:8
Ілжывы сьведка загіне, а чалавек, які кажа, што ведае, будзе гаварыць заўсёды.Выс 19:5; Выс 19:9
Чалавек бязбожны дзёрзкі тварам сваім, а праведны трымае проста шлях свой.
Няма мудрасьці і няма розуму і няма вады - насуперак Госпаду.Езк 28:5; Ёў 5:13
Каня рыхтуюць на дзень бітвы, але перамога - ад Госпада.Пс 32:17