Выс Выслоўі, раздзел Кніга выслоўяў Саламонавых, раздзел 24
Не зайздросьці ліхім людзям і ня прагні быць зь імі:Пс 36:1; Выс 23:17
бо пра насільле думае сэрца іхняе, і пра ліхое гавораць вусны іхнія.Пс 9:28
Мудрасьцю ладзіцца дом і розумам сталюецца,
і праз гаспадарчасьць нутро яго напаўняецца ўсякай каштоўнай і прыемнай маёмасьцю.
Чалавек мудры - дужы, і чалавек разумны мацуе сілу сваю.
Таму абдумана вядзі вайну тваю, і посьпех будзе пры мностве радцаў.Выс 20:18
Неразумнаму мудрасьць занадта высокая; каля брамы не разамкне ён вуснаў сваіх.Выс 14:6
Хто намышляе зрабіць зло, таго называюць зламысьнікам.
Намысел неразумнага - грэх, і блюзьнер - мярзота людзям.
Калі ты ў дзень бедства зьнясіліўся, дык бедная сіла твая.
Ратуй узятых на сьмерць, і няўжо ты адмовішся ад асуджаных на ўбой?Пс 81:4
Ці скажаш: «вось, мы ня ведалі гэтага?» А Выпрабавальнік сэрцаў хіба ня ведае? Назіральнік за душою тваёю ведае гэта і дасьць чалавеку паводле ўчынкаў ягоных.Ёў 34:11; Пс 61:13; Ер 32:19; Рым 2:6; Адкр 22:12
Еж, сыне мой, мёд, бо ён смачны, і сотавы, бо ён салодкі паднябеньню майму:
такое і спазнаньне мудрасьці для душы тваёй. Калі ты знайшоў яе, дык ёсьць будучыня, і надзея твая ня марная.
Не намышляй ліха, бязбожнік, супроць жытлішча праведнага; ня спустошвай месца спакою ягонага.Выс 1:11
Бо сем разоў упадзе праведнік і ўстане; а бязбожныя тонуць у пагібелі.Пс 36:24; Ам 5:2
Ня радуйся, калі ўпадзе вораг твой; і хай не весяліцца сэрца тваё, калі ён спатыкнецца.Ёў 31:29
Інакш убачыць Гасподзь, і не даспадобы будзе Яму гэта, і Ён адверне ад яго Свой гнеў.
Не абурайся ліхадзеямі і не зайздросьці бязбожнікам:Пс 36:1
бо ліхі ня мае будучыні - сьветач бязбожных патухне.Выс 13:9
Бойся, сыне мой, Госпада і цара; і зь мяцежнікамі ня супольнічай,Мц 22:21; 1Пётр 2:17; Рым 13:2
бо зьнянацку прыйдзе пагібель на іх; і бяду ад іх абодвух хто загадзя ўведае?
Сказана таксама мудрымі: зважаць на асобы ў судзе - нядобра.Выс 18:5
Хто кажа вінаватаму: «твая праўда», таго праклянуць народы, таго зьненавідзяць плямёны;Іс 5:23
а тыя, што судзяць справядліва, будуць любасныя, бо прыйдзе на іх дабраславеньне.
У вусны цалуе той, хто адказвае словамі правільнымі.
Зрабі справы свае па-за домам, закончы іх на полі тваім, а потым уладжвай і дом твой.
Ня сьведчы ілжыва на блізкага твайго; навошта табе ашукваць вуснамі тваімі?
Не кажы: «як ён зрабіў са мною, так і я зраблю зь ім, адплачу чалавеку паводле ўчынкаў ягоных».Выс 17:13
Праходзіў я ўскрай поля чалавека лянівага і ўскрай вінаградніка чалавека неразумнага.
І вось, усе гэта зарасло крапівою, паверхня яго збуяла бадзякамі, і каменны мур абваліўся.Выс 15:19
І падзівіўся я, і ўзяў да сэрца, і ўбачыў, і атрымаў навуку:
«крыху пасьпіш, крыху падрэмлеш, крыху, рукі згарнуўшы, паляжыш;Выс 6:10
і прыйдзе беднасьць твая, як разбойнік, і галеча твая - як чалавек узброены».Выс 28:19