Пс Псалтыр, псалом Псалтыр, псалом 73
Вучэньне Асафава.
Навошта, Божа, назаўсёды Ты нас адкінуў? распаліўся Твой гнеў на авечак пашаў Тваіх?Пс 43:24
Успомні пра збор Твой, які Ты прыдбаў здавён, пра племя спадчыны Тваёй, якое Ты адкупіў, - пра гэту гару Сіён, на якой Ты пасяліўся.
Падымі Твае ногі да вечных руінаў: усё вораг разбурыў у сьвятыні.Пс 67:17; Ёіл 3:16
Рыкаюць ворагі Твае сярод сходаў Тваіх, паставілі знакі свае замест нашых азнакаў;Ер 2:15
выдавалі сябе падобнымі на таго, хто падымаў сякеру на перавітае вецьце дрэва;
і сёньня ўсе рэзьбы ў ім адным разам разьбілі яны сякерамі і бярдышамі;
сьвятыню Тваю на вагонь аддалі, сялібу Твайго імя дашчэнту заплямілі;4Цар 25:9
сказалі ў сэрцы сваім: «зруйнуем іх зусім!» - і спалілі ўсе мясьціны Божых сходаў на зямлі.
Азнакаў нашых мы ня бачым, няма больш прарока, і няма з намі таго, хто ведаў бы, дакуль гэта будзе.Плач 2:9
Дакуль, Божа, вораг зьдзек чыніць будзе? ці вечна будзе агуднік імя Тваё ганіць?
Навошта ўхіляеш руку Тваю і правіцу Тваю? Зь сярэдзіны ўлоньня Твайго іх панішчы.
Божа, Цару мой адвеку, Ты чыніш ратаваньне пасярод зямлі!
Ты разьдзяліў сілаю Тваёю мора, Ты патрушчыў галовы зьмеям на водах;Вых 14:21
Ты струшчыў галаву левіяфану, аддаў яго на ежу народу ў пустыні.
Ты выкрасаў паток і крыніцу, Ты высушыў рэкі вялікія.Вых 17:5; Лік 20:11; Нав 3:13
Твой дзень і Твая ноч; падрыхтаваў Ты сьвяцілы і сонца;
Ты правёў усе межы зямлі, лета і зіму Ты ўтварыў.Быц 8:22
Прыгадай жа: вораг Госпада зьневажае, і неразумныя людзі ганяць імя Тваё.Плач 3:61
Не аддай зьвярам душы Тваёй галубіцы; сходаў убогіх Тваіх не забудзь назаўсёды.
Дагледзь запавет Твой, бо цямноты зямлі поўныя жытлішчамі гвалту.
Хай ня вернецца прыгнечаны ў сораме; гаротны і ўбогі хай славяць імя Тваё.Лк 11:27
Паўстань, Божа, абарані дзеі Твае, успомні штодзённае зьневажаньне Цябе неразумнымі;Іс 49:4; Езк 39:25
не забудзь крыкаў ворагаў Тваіх; шум паўсталых супроць Цябе ўвесь час падымаецца.