Пс Псалтыр, псалом Псалтыр, псалом 76
Кіроўцу хору Ідутумавага. Псальма Асафава.Пс 38:1
Голас мой да Бога, і я буду клікаць; голас мой да Бога, і Ён пачуе мяне.
У дзень скрухі маёй шукаю Госпада; рука мая працягнута ўначы, і не апускаецца; душа мая ня хоча суцешанай быць.2Пар 20:3; Пс 17:7; Пс 49:15
Пра Бога згадваю, і дрыжу; разважаю, і зьнемагае мой дух.
Ты не даеш мне вачэй маіх зьмежыць; я ашаломлены, і не магу гаварыць.
Разважаю пра даўнія дні, пра гады пракаветныя;Пс 142:5
узгадваю песьні мае начныя, гутару з сэрцам маім, і выпрабоўвае дух мой:Іс 26:9
няўжо назаўсёды адкінуў, Гасподзь, і ня будзе больш дабраволіць?Пс 12:2; Пс 84:6; Плач 3:31
няўжо назаўсёды міласьць Яго перастала быць, і спынілася слова Ягонае з роду ў род?
няўжо Бог забыўся мілаваць? няўжо ў гневе спыніў шчадроты Свае?Мк 4:38
І сказаў я: вось гора маё - перамена правіцы Ўсявышняга.Іс 41:10
Буду ўспамінаць пра дзеі Гасподнія! буду ўспамінаць пра даўнія цуды Твае.Дрз 32:7; Пс 70:17; Пс 104:2
Буду ў кожны Твой чын заглыбляцца, разважаць пра вялікія дзеі Твае.
Божа! сьвятая дарога Твая. Які Бог такі вялікі, як Бог наш!Пс 88:9
Ты - Бог, Які творыць цуды; Ты паказаў магутнасьць Сваю сярод народаў;Лк 1:51
Ты вызваліў народ Твой рукою сыноў Якава і Язэпа.Вых 14:19
Бачылі Цябе, Божа, воды, бачылі Цябе воды, і напалохаліся, і скалануліся бездані.Вых 14:21
Аблокі вылівалі воды, хмары аддавалі гром, і лёталі стрэлы Твае.
Голас грому Твайго ў коле нябесным; маланкі асьвятлялі сьвет; зямля трэслася і скаланалася.Ёў 37:5
Шлях Твой у моры, і сьцежка Твая ў водах вялікіх, і сьляды Твае невядомыя.Ёў 38:16; Абак 3:15
Як статак, вёў Ты народ Твой рукою Майсея і Аарона.Вых 14:15