Provérbios 23 em diferentes traduções
Ang Pulong sa Dios
23:1
APD
Kon mokaon ka uban sa usa ka pangulo, pagbantay pag-ayo sa imong lihok.
23:2
APD
Kon kusog kang mokaon, pugngi ang imong kaugalingon.
23:3
APD
Ayaw kaibog sa lamiang pagkaon nga iyang gidalit, kay basig gipanid-an niya ang imong pamatasan.
23:4
APD
Ayaw hagoa ang imong kaugalingon sa labihang pagpaninguha nga maadunahan. Pagkat-on hinuon sa pagpugong sa kaugalingon ug sa paghuna-huna kon unsay ensakto.
23:5
APD
Ang bahandi mawala sa usa lang ka pagpamilok, nga daw sa aduna kini pako ug molupad palayo sama sa agila.
23:6
APD
Ayaw pagkaon ni kaibog sa pagkaon nga giandam sa kuripot nga tawo, bisan ug lamian pa kini.
23:7
APD
Kay ang tawo nga sama niana maniid kon unsa kadaghan imong gikaon. Moingon siya, “Sige, kaon pa.” Apan dili diay kinasing-kasing ang iyang gisulti.
23:8
APD
Busa isuka mo ang imong gikaon ug sayang lang ang imong mga pagdayeg kaniya.
23:9
APD
Ayaw pakigsulti sa mga buang-buang, kay bisag puno sa kaalam ang imong isulti wala lang gihapon kini pulos alang kanila.
23:10
APD
Ayaw iloga ang yuta sa mga ilo pinaagi sa pagbalhin sa karaan nga mga muhon niini.
23:11
APD
Kay ang Ginoo mao ang ilang gamhanan nga tigpanalipod. Siya ang molaban kanila batok kanimo.
23:12
APD
Pamati kon ginatul-id ang imong pamatasan aron makakat-on ka.
23:13
APD [23:13–14]
Ayaw pagduha-duha sa pagdisiplina sa imong anak. Ang pagbunal dili makapatay kaniya, makaluwas pa hinuon kini kaniya gikan sa kamatayon.
23:14
APD
23:15
23:16
APD
23:17
APD
Ayaw kasina sa mga makasasala; tahora hinuon sa kanunay ang Ginoo.
23:18
APD
Ug siguro gayod nga adunay maayo kang kaugmaon, ug dili mapakyas ang imong mga tinguha.
23:19
APD
Anak, pamati sa mga ginapanudlo ko kanimo. Pagmaalamon ug sunda ang husto nga dalan.
23:20
APD [23:20–21]
Ayaw sunda ang mga palahubog ug ang mga hangol ug kaon, kay kanang klasiha sa mga tawo daling mapobre. Sige lang silag katulog, ug magkagidlay sila sa kaulahian.
23:21
APD
23:22
APD
Paminaw sa imong ginikanan nga maoy nagpakatawo kanimo ug ayaw sila bugal-bugali kon tigulang na sila.
23:23
APD
Paninguhaa nga maangkon mo ang kamatuoran, kaalam, saktong pamatasan, ug maayong panabot. Ug ayaw gayod kini ibaylo sa bisan unsang butang.
23:24
APD [23:24–25]
Malipay gayod ang imong ginikanan kon matarong ka ug maalamon. Ikalipay nila nga sila nahimong imong amahan ug inahan.
23:25
APD
23:26
APD
Anak, pamati pag-ayo kanako, ug sunda ang akong pagkinabuhi.
23:27
APD
Kay ang babayeng nagbaligya sa iyang dungog makadaot kanimo sama sa lawom kaayo nga bangag.
23:28
APD
Sama siya sa tulisan nga mag-atang ug mabiktima, ug siya ang hinungdan sa pagluib sa daghang bana sa ilang mga asawa.
23:29
APD
Kinsay tawo nga miserable? Kinsay palaaway? Kinsay reklamador? Kinsay makulatahan nga mahimo ra untang likayan? Kinsay kanunayng magpula ang mata?
23:30
APD
Siya ang tawo nga palahubog, ug mahiligon sa pagtilaw sa nagkalain-laing matang sa bino.
23:31
APD
Ayaw pagpadani sa isog nga bino, nga makalaway tan-awon sulod sa baso, ug daw kalami imnon.
23:32
APD
Kay pagkahuman mo ug inom niini, bation mo nga daw sa gipaak ka sa malala nga bitin,
23:33
APD
ug bisan unsa na lay imong makita, ug dili ka na makahuna-huna ug maayo.
23:34
APD
Paminaw mo murag nagsakay kag barko ug naghigda ibabaw sa palo.
23:35
APD
Moingon ka, “Adunay mibunal ug misumbag kanako, apan wala ako makabatig sakit. Kanus-a pa kaha ako mahuwasi aron makainom na pud ko?”