Romanos 6 em diferentes traduções
Пераклад Сёмухі
6:1
Сёмуха
Што ж скажам? ці заставацца нам у грэху, каб памножылася мілата? Зусім не.
6:2
Сёмуха
Мы памерлі для грэху: як жа нам жыць у ім?
6:3
Сёмуха
Няўжо ня ведаеце, што ўсе мы, хрышчаныя ў Ісуса Хрыста, у сьмерць Ягоную хрысьціліся?
6:4
Сёмуха
Дык вось, мы і пахаваныя зь Ім хрышчэньнем у сьмерць, каб, як Хрыстос уваскрэс зь мёртвых славаю Айца, так і нам хадзіць у абноўленым жыцьці.
6:5
Сёмуха
Бо калі мы паяднаныя зь Ім падабенствам сьмерці Ягонай, дык павінны быць паяднаныя і падабенствам уваскрэсеньня,
6:6
Сёмуха
ведаючы тое, што даўні наш чалавек крыжаваны зь ім, каб зьнішчылася цела грэшнае, каб нам ня быць ужо рабамі грэху;
6:7
Сёмуха
бо, хто памёр, той вызваліўся ад грэху.
6:8
Сёмуха
Калі ж мы памерлі з Хрыстом, дык верым, што і жыць будзем зь Ім,
6:9
Сёмуха
ведаючы, што Хрыстос, уваскрэсшы зь мёртвых, ужо ня ўмірае: сьмерць ужо ня мае над Ім улады.
6:10
Сёмуха
Бо, што Ён памёр, дык памёр раз назаўсёды для грэху, а што жыве, дык жыве дзеля Бога.
6:11
Сёмуха
Гэтак сама і вы лічэце сябе мёртвымі для грэху, а жывымі дзеля Бога ў Хрысьце Ісусе, Госпадзе нашым.
6:12
Сёмуха
Дык вось, хай не пануе грэх у сьмяротным вашым целе, каб вам слухацца яго ў пажадах ягоных;
6:13
Сёмуха
і не аддавайце чэлесаў вашых грэху як прыладу няправеднасьці, а аддайце сябе Богу як паўсталых зь мёртвых, і чэлесы вашыя Богу як прылады праведнасьці.
6:14
Сёмуха
Грэх не павінен над вамі валадарыць, бо вы не пад законам, а пад мілатою.
6:15
Сёмуха
Што ж? ці будзем грашыць таму, што мы не пад законам, а пад мілатою? Зусім не!
6:16
Сёмуха
Няўжо вы ня ведаеце, што, каму вы аддаяце сябе ў рабы на паслушэнства, таго вы і рабы, каго слухаецеся, альбо рабы грэху сьмерці, альбо паслушэнства на праведнасьць?
6:17
Сёмуха
Дзякаваць Богу, што вы, якія раней былі рабамі грэху, ад сэрца сталіся паслухмяныя таму вобразу вучэньня, якому аддалі сябе.
6:18
Сёмуха
А вызваліўшыся ад грэху, вы зрабіліся рабамі праведнасьці.
6:19
Сёмуха
Кажу паводле развагі людзкое, дзеля немачы плоці вашай. Як прадавалі вы чэлесы вашыя ў рабы нячыстасьці і беззаконьню на дзеі беззаконныя, так зараз аддайце чэлесы вашыя ў рабы праведнасьці на дзеі сьвятыя.
6:20
Сёмуха
Бо, калі вы былі рабамі грэху, тады былі вольныя ад праведнасьці.
6:21
Сёмуха
Які ж плён мы мелі тады? такія дзеі, якіх сёньня самі саромеецеся, бо канец іхні - сьмерць.
6:22
Сёмуха
А сёньня, калі вы вызваліліся з грэху і сталіся рабамі Богу, плён ваш ёсьць сьвятасьць, а канец - жыцьцё вечнае.
6:23
Сёмуха
Бо расплата за грэх - сьмерць, а дар Божы - жыцьцё вечнае ў Хрысьце Ісусе, Госпадзе нашым.