Эф Эфесянам, раздзел Пасланне да Эфесян, раздзел 5
Дык будзьце пераймальнікамі Бога, як дзеці ўлюбёныя,Мц 5:48
і хадзіце ў любові, як і Хрыстос палюбіў нас і выдаў Сябе за нас, як дар і ахвяру Богу, на водар салодкі.Ян 13:34; 1Ян 3:11
А распуста і ўсякая нячыстасьць або хцівасьць няхай і не называюцца ў вас, як і належыць сьвятым,1Кар 6:15
ані агідныя і пустыя словы або жарты непрыстойныя, але лепш падзяка.Мц 12:36; Эф 4:29
Бо ведайце, што ніякі распусьнік, або нячысты, або хцівец, які зьяўляецца ідалапаклоньнікам, ня мае спадчыны ў Валадарстве Хрыста і Бога.1Кар 6:10
Няхай ніхто не падманвае вас пустымі словамі, бо за гэта прыходзіць гнеў Божы на сыноў непакорнасьці.Мц 24:4; Мк 13:5; Лк 21:8; 2Фес 2:3
Дык ня будзьце супольнікамі іх.
Вы былі некалі цемрай, а цяпер — сьвятло ў Госпадзе; хадзіце ж, як дзеці сьвятла,Ян 8:12; Ян 12:36
бо плод Духа ёсьць у-ва ўсякай добрасьці, і праведнасьці, і праўдзе.Гал 5:22
Выпрабоўвайце, што падабаецца Богу,
і ня ўдзельнічайце ў бясплодных справах цемры, а лепш дакарайце.2Кар 6:14; 1Цім 5:20
Бо пра тое, што робіцца імі патаемна, сорамна і гаварыць.
Але ўсё, дакаранае сьвятлом, робіцца яўным, бо ўсё, што робіцца яўным, ёсьць сьвятло,Ян 3:20
таму сказана: «Устань, ты, які сьпіш, і ўваскрэсьні з мёртвых, і асьвеціць цябе Хрыстос».Іс 60:1; Рым 6:4
Дык глядзіце, хадзіце дакладна, не як бязглуздыя, але як мудрыя,Кал 4:5
выкупляючы час, бо дні злыя.
Дзеля гэтага ня будзьце неразумнымі, але пазнавайце, якая ёсьць воля Госпада.Рым 12:2; 1Фес 4:3
І не ўпівайцеся віном, бо ў ім распуста, але напаўняйцеся Духам,Іс 5:11; Лк 21:34
гаворачы да сябе псальмамі, і гімнамі, і сьпевамі духоўнымі, сьпяваючы і граючы Госпаду ў сэрцах вашых,Кал 3:16
дзякуючы заўсёды і за ўсё Богу і Айцу ў імя Госпада нашага Ісуса Хрыста,Іс 63:7; Кал 3:17; 1Фес 5:18
падпарадкоўваючыся адзін аднаму ў страху Божым.
Жанчыны, падпарадкоўвайцеся мужам сваім, як Госпаду,Кал 3:18; Ціт 2:5
бо муж ёсьць галава жонкі, як і Хрыстос — галава Царквы, і Ён жа — Збаўца цела.1Кар 11:3; Эф 1:22
Але як Царква падпарадкоўваецца Хрысту, гэтак і жонкі сваім мужам у-ва ўсім.
Мужы, любіце жонак сваіх, як і Хрыстос палюбіў Царкву і выдаў Сябе за яе,Гал 1:4; Кал 3:19
каб асьвяціць яе, ачысьціўшы абмыцьцём водным у слове,1Пётр 3:21; Ціт 3:5; Габр 9:14
каб паставіць яе Сабе слаўнаю Царквою, бяз плямы, ці заганы, ці чаго падобнага, але каб яна была сьвятая і беззаганная.Песн 4:7; 2Кар 11:2; Эф 1:4
Гэтак павінны мужы любіць сваіх жонак, як целы свае: хто любіць жонку сваю, самога сябе любіць.
Бо ніхто ніколі ня меў нянавісьці да цела свайго, але жывіць і грэе яго, як і Госпад Царкву.
Бо мы — члены цела Яго, ад цела Яго і ад костак Яго.
Дзеля гэтага пакіне чалавек бацьку свайго і маці, і прылепіцца да жонкі сваёй, і будуць двое адным целам.Быц 2:24; Мц 19:5; Мк 10:7; 1Кар 6:16
Таямніца гэтая вялікая; а я кажу пра Хрыста і Царкву.
Зрэшты, і вы, кожны па сабе, няхай любіць жонку сваю як сябе; а жонка няхай баіцца мужа.