Як Якава, раздзел Пасланне Якава, раздзел 1
Якуб, слуга Бога і Госпада Ісуса Хрыста, — дванаццаці каленам, што ў расьцярушаньні: радавацца!
Вялікай радасьцю лічыце, браты мае, калі трапляеце ў розныя спакусы,Дзеі 5:41; 1Кар 10:13
ведаючы, што выпрабаваньне вашае веры робіць цярплівасьць.1Пётр 1:7; Рым 5:3
А цярплівасьць няхай мае дасканалае дзеяньне, каб вы былі дасканалымі і суцэльнымі, без аніякага недахопу.
Калі ж у каго з вас не хапае мудрасьці, няхай просіць у Бога, Які дае ўсім шчыра і не дакараючы, і будзе яму дадзена.3Цар 3:12; Выс 2:6; Дан 2:21
Але няхай просіць з вераю, ані не сумняваючыся, бо той, хто сумняецца, падобны да хваляваньня марскога, якое вецер уздымае і ганяе.Мц 7:7; Мк 11:24; Лк 11:9; Ян 14:13; Ян 16:23
Дык няхай не мяркуе гэтакі чалавек, што нешта атрымае ад Госпада.
Двудушны чалавек няцьвёрды на ўсіх шляхах сваіх.
Няхай жа хваліцца паніжаны брат сваёй высокасьцю,
а багаты — сваім паніжэньнем, бо праміне, як кветка на траве.Ёў 14:2; Пс 90:5-6; Пс 103:15; Іс 40:6; 1Пётр 1:24
Бо ўзыходзіць сонца са сьпёкаю і сушыць траву, і кветка яе падае, і хараство аблічча яе зьнікае; гэтак і багаты на шляхах сваіх счэзьне.
Шчасьлівы чалавек, які вытрымлівае спакусу, бо, стаўшыся выпрабаваным, ён атрымае вянок жыцьця, які абяцаў Госпад тым, хто любіць Яго.Ёў 5:17; Выс 3:11; 2Цім 4:8; Габр 12:5
Спакушваны, ніхто няхай ня кажа: «Бог мяне спакушае», бо Бог не спакушаецца злом, і Сам нікога не спакушае.Лк 11:4
А кожны спакушаецца, захоплены і прываблены ўласным пажаданьнем;
пасьля пажаданьне, зачаўшы, нараджае грэх, а грэх, як яго давесьці да канца, спараджае сьмерць.Рым 6:21; Рым 6:23
Не падманвайцеся, браты мае ўлюбёныя:
усякі дар добры і ўсякі дарунак дасканалы зыходзяць з вышыні, ад Айца сьвятла, у Якога няма рознасьці, ані ценю зьменлівасьці.Лік 23:19; Іс 46:10; Мал 3:6; Ян 3:27
Захацеўшы, Ён спарадзіў нас словам праўды, каб быць нам нейкім пачаткам стварэньняў Ягоных.Ян 1:13; 1Пётр 1:23; Габр 12:23
Так што, браты мае ўлюбёныя, усякі чалавек няхай будзе хуткі, каб слухаць, павольны, каб гаварыць, павольны на гнеў,Выс 17:27; Экл 5:1; Экл 7:9
бо гнеў чалавека ня чыніць праведнасьці Божае.
Дзеля гэтага, адкінуўшы ўсякі бруд і празьмернасьць ліхоты, у ціхасьці прыйміце насаджанае слова, якое можа збавіць душы вашыя.Рым 1:16; Эф 4:22
Будзьце ж выканаўцамі слова, а не слухачамі толькі, якія ўводзяць у зман саміх сябе.Мц 7:21; Лк 11:28; Рым 2:13
Бо хто слухае слова і не выконвае, той падобны да чалавека, які разглядае аблічча сваё, [якое мае ад] нараджэньня, у люстэрку;
бо ён паглядзеў на сябе, і адыйшоў, і адразу забыўся, які ён.
А хто прыхіляецца да дасканалага закону свабоды і трывае [ў ім], той, стаўшыся не слухачом, які забываецца, але выканаўцам справы, шчасьлівы будзе ў дзейнасьці сваёй.Ян 13:17; 2Кар 3:18
Калі хто сярод вас думае, што ён пабожны, і не цугляе язык свой, але падманвае сэрца сваё, у таго пабожнасьць марная.Пс 34:14; Пс 39:2; 1Пётр 3:10
Чыстая і беззаганная пабожнасьць перад Богам і Айцом ёсьць у тым, каб адведваць сіротаў і ўдоваў у горы іхнім і захоўваць сябе неапаганеным ад сьвету.Іс 1:16; Як 2:17