Psa Mga Salmo, salmo Ang Libro sa Mga Salmo, salmo 32
Ang “Maskil”32 “Maskil”: tingali usa ka termino sa literatura o musika. ni David.
Bulahan ang tawo kansang mga kalapasan gipasaylo,
kansang mga sala gipanas.Rom 4:7
Bulahan ang tawo nga wala na isipang sad-an sa Ginoo
ug walay gitagoang sala sa iyang kasing-kasing.2Co 5:19
Sa wala ko pa masulti ang akong mga sala, nagluya ako,
daw sa nangagupok ang akong mga bukog
tungod sa akong pag-agulo sa tibuok adlaw.
Kay adlaw ug gabii gisilotan mo ako;
nawad-an na akog kusog nga daw sa nabulad ako sa init sa adlaw.Psa 38:4
Unya gisulti ko ang akong mga sala kanimo;
wala akoy gitago.
Miingon ako sa akong kaugalingon, “Isulti ko sa Ginoo ang akong mga sala,”
ug gipasaylo mo ako.Pro 28:13; 1Jn 1:9
Busa ang tanang matinud-anon kanimo angayng mag-ampo
sa panahon sa kalisod aron dili sila maunsa,
labi na kon moabot kini nga daw usa ka baha.Isa 55:6
Ikaw ang akong tago-anan;
panalipdan mo ako sa panahon sa kalisod,
ug palibotan mo ako sa mga tawong naghugyaw sa kalipay
tungod sa imong pagluwas kanako.Psa 9:9
Miingon ka kanako,
“Tudloan ka nako sa dalan nga angay mong agian.
Tambagan ka nako samtang nagbantay ako kanimo.Psa 25:12; Pro 4:11; Deu 11:12
Ayaw pagpakasama sa kabayo o mula nga walay pagsabot,
nga kinahanglan pa unang busalan ug rendahan aron motuman.”Pro 26:3
Daghan ang mga kalisdanan nga moabot sa mga daotan,
apan ang nagsalig sa Ginoo higugmaon ug panalipdan gayod niya.Isa 57:20
Busa kamong mga matarong,
pagmaya kamo tungod sa gihimo sa Ginoo kaninyo!
Kamong nagkinabuhing matarong, panghugyaw kamo sa kalipay!