Psa Mga Salmo, salmo Ang Libro sa Mga Salmo, salmo 34
Ang awit ni David sa dihang nagpabuang-buang siya atubangan ni Abimelec aron abugon siya ni Abimelec ug makabiya siya.1Sa 21:13
Dayegon ko sa kanunay ang Ginoo;
dili ako mohunong sa pagdayeg kaniya.
Pasidunggan ko ang Ginoo tungod sa iyang mga binuhatan,
ug hinaut nga ang mga dinaog-daog mamati ug malipay.Luk 1:47
Uban kamo kanako sa pagdayeg sa Ginoo;
maghiusa kita sa pagdayeg kaniya.
Nag-ampo ako sa Ginoo ug gitubag niya ako.
Giwagtang niya ang tanan kong kahadlok.Isa 65:24
Magmalipayon ang mga nagsalig kaniya,
ug dili gayod sila maulawan.Mic 7:7
Mitawag ang kabos sa Ginoo;
gitubag niya kini ug giluwas sa tanang kalisod.Psa 18:6; Psa 69:33
Ang anghel sa Ginoo nagbantay sa mga nagtahod sa Ginoo,
ug moluwas kanila sa katalagman.Gen 32:1
Sulayi ninyo ug inyong makita kon unsa kamaayo ang Ginoo.
Bulahan ang tawo nga nagdangop kaniya.Psa 2:12; Pro 16:20
Tahora ninyo ang Ginoo, kamong iyang matinud-anong katawhan.
Kay ang motahod kaniya dili gayod makabsan sa tanan niyang gikinahanglan.Jos 4:24
Ang mga liyon mahimong makabsan sa kalan-on ug magutman,
apan ang mga nagdangop sa Ginoo
dili gayod makabsan sa maayong mga butang.Luk 1:53
Dali, kamong buot magtuon,34:11 Dali, kamong buot magtuon: sa literal, mga anak. pamatia ninyo ako,
ug tudloan ko kamo sa pagtahod sa Ginoo.
Buot ba kamong makaangkon
ug taas nga kinabuhi ug magmalipayon?1Pe 3:10
Likayi ninyo ang pagsulti ug daotan
ug ang pagpamakak.
Likayi ninyo ang daotan ug buhata ang maayo.
Tinguhaa gayod ninyo ang pagkinabuhi nga malinawon uban sa inyong isigka-tawo.Job 28:28; Psa 37:37
Nagbantay ang Ginoo sa mga matarong, ug gapamati sa ilang pagpakitabang.Psa 33:18
Apan kasilagan niya ang mga naghimo ug daotan.
Laglagon niya sila ug dili na sila mahinumdoman pa sa mga tawo sa kalibotan.
Nagpakitabang sa Ginoo ang mga matarong,
ug iya silang luwason sa tanan nilang kalisdanan.
Duol ang Ginoo sa mga napakyas,
ug luwason niya ang mga nawad-an ug paglaom.Psa 145:18
Daghang mga kalisod ang moabot sa kinabuhi sa tawong matarong,
apan luwason siya sa Ginoo gikan niining tanan.Act 7:10; Rom 8:17
Bantayan gayod siya sa Ginoo,
ug wala gayoy bisan usa sa iyang mga bukog nga mabali.Isa 66:14
Ang mga buhat nga daotan mao ra usab ang mopatay sa mga tawong daotan.
Silotan sa Dios kadtong nasilag sa mga matarong.Pro 22:8
Luwason sa Ginoo ang nag-alagad kaniya.
Ang tanan nga modangop kaniya dili silotan.Rom 8:1