Psa Mga Salmo, salmo Ang Libro sa Mga Salmo, salmo 68
Ang awit alang sa maestro sa mga mag-aawit. Awit ni David.
Sige na, O Dios, kataga ang imong mga kaaway.
Hinaut pa nga moikyas ang nasilag kanimo.Num 10:35
Aboga sila sama sa aso nga gipalid sa hangin.
Sama sa kandila nga matunaw sa kalayo,
mahanaw unta ang mga daotan sa imong atubangan.
Apan ang mga matarong maghugyaw sa kalipay sa imong atubangan.Psa 64:10
Awiti ninyo ang Dios; awiti ninyo siya ug mga pagdayeg.
Dayega ninyo siya68:4 Dayega ninyo siya: o andama ninyo ang iyang agian. nga nagsakay sa panganod.
Ang iyang ngalan mao ang Ginoo;
paglipay kamo sa iyang presensya.Isa 40:3; Isa 57:14
Ang Dios, nga nagpuyo sa iyang balaan nga puloy-anan,
nag-atiman sa mga nangailo sa amahan ug nanalipod sa mga biyuda.Psa 146:9; Jhn 14:18
Gihatagan niyag pamilya ang mga nag-inusara,
ug gihatagan niyag kagawasan ug kalipay ang mga binilanggo.
Apan ang mga gahig ulo mopuyo sa yuta nga dili mapuslan.Psa 113:9
O Dios, sa dihang gipangulohan mo
ang imong katawhan sa ilang lakaw sa kamingawan,Exo 13:20; Num 14:14
natay-og ang yuta ug miulan
tungod kay miabot ka, O Dios sa Israel,
Dios nga nagpadayag sa imong kaugalingon sa Sinai.Exo 20:18
Nagpadala ka ug abundansyang ulan
ug naulian ang nagmalang yuta nga gihatag mo sa imong katawhan.Isa 32:15; Isa 44:3; Jol 2:28
Didto na namuyo ang imong mga katawhan,
ug sa imong kaayo gihatagan mo ang mga kabos
sa ilang mga gikinahanglan.
Nagpadala ang Ginoo ug mensahe,
ug daghang kababayen-an ang nagbalita niini:Isa 52:7
“Nangagiw ang mga hari ug ang ilang mga sundalo,
ug ang ilang mga kabtangan gibahin-bahin
sa mga babaye nga Israelinhon.
Bisan ang mga nagpabilin sa toril sa mga karnero,
gibahinan ug mga estatuwang salampati
nga ang mga pako hinaklapan ug pilak ug ang mga balhibo
hinaklapan ug purong bulawan.”
Sa dihang gikatag sa Dios nga Makagagahom
ang mga hari, gipaulanan niya ug snow ang bukid sa Zalmon.68:14 gipaulanan…Zalmon: kon adunay snow, lisod moikyas; labi na kon baga ang snow, dili gani makita ang dalan aron sa pag-ikyas.Jdg 9:48
Pagkatahom sa bukid sa Basan;
pagkadaghan sa iyang mga bungtod.
Nganong kining mga bungtod nasina man sa bukid
nga gipili sa Ginoo nga iyang puy-an hangtod sa kahangtoran?Psa 114:4
Miabot ang Ginoong Dios sa iyang balaang puloy-anan
gikan sa Sinai uban sa linibong mga karwahi.Deu 33:2
Pagsaka niya sa taas nga dapit68:18 taas nga dapit: o langit.
nagdala siyag daghang bihag
ug midawat siyag mga gasa gikan sa mga tawo,
bisan mga gahig ulo.
Ug didto magpuyo ang Ginoong Dios.Eph 4:10
Dalaygon ang Ginoo, ang Dios nga atong manluluwas,
kay adlaw-adlaw ginatabangan niya kita sa atong mga suliran.
Ang atong Dios, Dios nga nagluwas.
Siya ang Ginoong Dios nga nagluwas kanato
gikan sa kamatayon.Deu 32:39; 1Sa 2:6
Sigurado gayod nga dugmokon sa Dios
ang ulo sa iyang mga kaaway nga nagpadayon sa pagpakasala.
Miingon ang Ginoo,
“Pabalikon ko ang akong mga kaaway gikan sa Basan;
pabalikon ko sila gikan sa kinahiladman sa dagat,Num 21:33
aron pamatyon sila ug tunob-tunoban ninyo
ang ilang mga dugo ug ang inyong mga iro makapatuyang pagtilap niini.”Psa 58:10; Rev 14:20
O Dios ug Hari ko,
nakita sa tanan ang imong parada sa kadaogan
paingon sa imong balaang puloy-anan.
Gauna ang mga mag-aawit, ug sa luyo, ang mga musikero;
sa tunga-tunga nila anaa ang mga dalaga nga gatamborin.Exo 15:20; 1Sa 18:6
Naninggit sila, “Dayega ninyo ang Dios diha sa inyong panagtigom!
Dayega ninyo ang Ginoo, kamong tanang mga kaliwat ni Israel!”Psa 22:22; Jhn 20:17
Gauna ang gamay nga tribo ni Benjamin,
sunod mao ang mga pangulo sa Juda uban sa ilang panon,
ug nagsunod ang mga pangulo sa Zabulon ug Neftali.
O Dios, ipakita ang imong gahom68:28 O Dios…gahom: mao kini sa Septuagint, sa Syriac, ug sa ubang mga manuskrito sa Hebreo. Sa kadaghanan nga mga manuskrito sa Hebreo, Gihatagan kamo ug gahom sa inyong Dios.
sama sa gihimo mo kaniadto kanamo.
Tungod sa imong Templo sa Jerusalem magdala ang mga hari
ug mga gasa alang kanimo.Psa 72:10; Isa 60:6
Badlonga kanang nasod68:30 nasod: mahimong mao ang Ehipto. nga sama
sa bangis nga hayop sa kabugangan.
Badlonga usab ang mga katawhang sama sa mga torong baka
uban sa mga toriyo.
Hangtod nga moampo sila ug mohalad sa ilang mga pilak kanimo.
Kataga ang mga katawhan nga nalipay sa pagpakig-gira.
Ang mga taga-Ehipto ug mga taga-Etiopia68:31 Etiopia: sa Hebreo, Cush.
magkarag-karag sa paghatag sa ilang mga gasa kanimo.Isa 18:7
Pag-awit kamo sa Dios,
kamong mga gisakopan
sa mga gingharian sa kalibotan.
Pag-awit kamo ug pagdayeg sa Ginoo,
nga nagsakay sa kalangitan nga anaa na sukad pa kaniadto.
Pamatia ninyo ang iyang nagdahunog nga tingog.Psa 29:3; Zec 9:14; Rev 4:5
Imantala ninyo ang pagkagamhanan sa Dios nga naghari sa Israel.
Ang kalangitan nagpadayag sa iyang pagkagamhanan.
Kahibulongan gayod ang Dios sa Israel diha sa iyang balaang puloy-anan.
Gihatagan niyag gahom ug kusog ang iyang katawhan.
Dalaygon ang Dios!