1Кар 1 Карынфянам, раздзел Першае пасланне да Карынфян, раздзел 10
Не хачу пакінуць вас, браты, і каб вы ня ведалі, што бацькі нашыя ўсе былі пад хмараю, і ўсе прайшлі праз мора;Вых 13:21; Вых 14:22; Лік 9:18
і ўсе хрысьціліся ў Майсея ў хмары і ў моры;
і ўсе елі адну і тую самую духоўную страву;Вых 16:14; Пс 77:24
і ўсе пілі адно і тое самае духоўнае пітво, бо пілі з духоўнай скалы, якая ішла сьледам за імі; а скала тая была Ісус Хрыстос.Вых 17:6
Але ня шмат каго ўпадабаў Бог; бо яны панішчаны былі ў пустыні.Лік 14:23
А гэта былі прыклады нам, каб мы не самахоціліся на ліхое, а самахоціліся яны.Лік 11:4
Ня будзьце таксама ідалапаклонцамі, як некаторыя зь іх, пра якіх напісана: «людзі селі есьці і піць, і ўсталі бавіцца».Вых 32:6; Пс 105:19
Ня будзем блудадзейнічаць, як некаторыя зь іх блудадзейнічалі, і ў адзін дзень загінула іх дваццаць тры тысячы.Лік 25:1; Лік 25:9
Ня будзем спакушаць Хрыста, як некаторыя зь іх спакушалі і загінулі ад зьмеяў.Лік 21:6; Пс 105:14
Не наракайце, як некаторыя зь іх наракалі і загінулі ад зьнішчальніка.Лік 14:37
Усё гэта адбывалася зь імі, як вобразы; а апісана ў настаўленьне нам, што дасягнулі канца вякоў.Рым 15:4
А таму, хто думае, што ён стаіць, глядзі, каб ня ўпасьці.Рым 11:20
Вас апанавала спакуса не якая, а чалавечая; і верны Бог, Які не дапусьціць, каб вас спакушалі звыш сілы, але пры спакушэньні дасьць і палёгку, каб вы маглі ператрываць.2Пётр 2:9; Габр 12:4
Таму, любасныя мае, унікайце служэньня ідалам.
Я кажу вам як разважлівым; самі памяркуйце, пра што я кажу:1Кар 1:5
Чара дабраславеньня, якую дабраслаўляем, ці ня ёсьць далучэньне Крыві Хрыстовай? хлеб, які ламаем, ці ня ёсьць далучэньне Цела Хрыстовага?Мц 26:26; Дзеі 2:42; Дзеі 2:46
Адзін хлеб, і мы многія - адно цела; бо ўсе прычашчаемся адным хлебам.Ян 6:33
Паглядзеце на Ізраіля па плоці: тыя, што ядуць ахвярнае, ці ня супольнікі яны ахвярніка?Ляв 7:15
Што я кажу? ці тое, што ідал ёсьць нешта? альбо ідалаахвярнае значыць што-небудзь?1Кар 8:4
Не; але што язычнікі, калі прыносяць ахвяры, дык прыносяць дэманам, а ня Богу; але я не хачу, каб вы былі ў супольнасьці з дэманамі.Дрз 32:17
Ня можаце піць чару Гасподнюю і чару дэманскую; ня можаце быць супольнікамі ў гасьціне Гасподняй і ў гасьціне дэманскай.2Кар 6:15
Няўжо мы адважымся дражніць Госпада? Хіба мы мацнейшыя за Яго?
Усё мне можна, ды ня ўсё на карысьць; усё мне можна, ды ня ўсё навучае.1Кар 6:12
Хай ніхто ня шукае карысьці сабе, а кожны - другому.Рым 15:2
Усё, што прадаецца на торжышчы, ежце не перабіраючы, дзеля спакою сумленьня;
бо Гасподняя зямля і ўсё, што на ёй.Пс 23:1; Дрз 10:14
Калі хто зь няверных пакліча вас, і вы захочаце пайсьці, - дык усё, што вам прапануецца, ежце не перабіраючы дзеля спакою сумленьня.
Але калі хто скажа вам: гэта ідалаахвярнае, - дык ня ежце дзеля таго, хто падказаў вам, і дзеля сумленьня; бо Гасподняя зямля, і ўсё, што на ёй.Пс 23:1
Сумленьне ж разумею не сваё, а іншага; бо дзеля чаго маёй свабодзе быць суджанай чужым сумленьнем?
Калі я з удзячнасьцю ем, дык навошта мяне дакараць за тое, за што я дзякую?Рым 14:6
Дык жа, ці ясьце, ці п'яце, ці (іншае) што робіце, усё рабеце на славу Божую.Кал 3:17
Не давайце панады ні Юдэям, ні Элінам, ні царкве Божай,
так, як і я дагаджаю ўсім ва ўсім, шукаючы не сабе карысьці, а многім, каб яны ўратаваліся.Рым 15:2