Гал Галатам, раздзел Пасланне да Галатаў, раздзел 6
Браты! калі і дапусьціць чалавек якую пагрэшнасьць, вы, духоўныя, папраўляйце такога ў духу лагоды, зважаючы кожны на сябе, каб ня дацца спакусе.1Кар 10:12
Насеце цяжары адно аднаго, і такім чынам выканаеце закон Хрыстовы.Ян 13:34; 1Фес 5:14
Бо хто лічыць, што ён нешта такое, калі ён нішто, той ашуквае самога сябе.1Кар 8:2
Кожны няхай правярае сваю дзею, і тады мецьме пахвалу толькі ў сабе, а ня ў іншым,
бо кожны панясе свой цяжар.Рым 14:12; 1Кар 3:8
Той, каго настаўляюць словам, дзяліся ўсякім дабром з тым, хто настаўляе.Рым 15:27; 1Кар 9:7
Ня крывеце душою: Бог паганьбёны ня бывае. Што пасее чалавек, тое і сажне:Рым 2:6
хто сее ў плоць сваю, ад плоці пажне прахласьць; а хто сее ў Дух, ад Духа пажне жыцьцё вечнае.
Робячы дабро, ня струджваймася: бо ў свой час пажнём, калі не аслабнем.Мц 24:13; 2Фес 3:13
Дык вось, пакуль ёсьць час, будзем рабіць дабро ўсім, а найбольш сваім аднаверцам.
Бачыце, як многа напісаў я вам сваёю рукою.
Тыя, што хочуць хваліцца паводле цела, змушаюць вас абразацца толькі дзеля таго, каб унікнуць ганеньняў за крыж Хрыстовы,
бо і самі абрэзаныя ня трымаюцца закона, але хочуць, каб вы абразаліся, каб пахваліцца ў вашай плоці;
а я не хачу хваліцца, хіба толькі крыжам Госпада нашага Ісуса Хрыста, Якім для мяне сьвет укрыжаваны, а я для сьвету.Рым 6:6
Бо ў Хрысьце Ісусе ня мае сілы ні абразаньне, ні неабразаньне, а новае стварэньне.Гал 5:6; Кал 3:11
Тым, якія чыняць у згодзе з гэтым правілам, мір ім і міласьць, і Ізраілю Божаму.Флп 3:16
У астатнім, хай ніхто не стурбуе мяне, бо я нашу раны Ісусавыя на целе маім.2Кар 4:10
Мілата Госпада нашага Ісуса Хрыста з духам вашым, браты. Амін.