Выс Выслоўі, раздзел Кніга выслоўяў Саламонавых, раздзел 22
Добрае імя лепшае за вялікае багацьце, і добрая слава лепшая за срэбра і золата.Экл 7:1
Багаты і бедны сустракаюцца адзін з адным; таго і другога стварыў Гасподзь.Выс 29:13
Разумны бачыць бяду і хаваецца; а нявопытныя ідуць наперад, прымаюць кару.Выс 27:12
За пакораю ідзе сьледам страх Гасподні, багацьце і слава і жыцьцё.
Церні і сеткі на дарозе падступнага; хто беражэ душу сваю, адыдзіся ад іх.Нав 23:13
Наставі юнака на пачатку шляху яго: ён ня збочыць зь яго, калі і састарыцца.
Багаты пануе над бедным, і даўжнік робіцца рабом пазычальніка.Як 2:6
Хто сее няпраўду, пажне буру, і біч гневу яго прападзе.Ёў 4:8; Ас 10:12
Міласэрны будзе дабраславёны, бо дае беднаму ад хлеба свайго.2Кар 9:7
Прагані блюзьнера, і зьнікне разлад, і выйдзе зь ім свара і кляцьба.
Хто любіць чысьціню сэрца, той мае прыемнасьць на вуснах, таму цар - сябар.
Вочы Госпада ахоўваюць веды, а словы вераломнікаў Ён абвяргае.
Гультай кажа: «леў на вуліцы! сярод плошчы заб'юць мяне!»Выс 26:13
Глыбокая прорва - вусны распусьніц; на каго ўгневаецца Гасподзь, той упадзе туды.
Глупства прывязалася да сэрца юнака; але дубец выхаваньня адвядзе яе ад яго.
Хто крыўдзіць беднага, каб памножыць сваё багацьце, і хто дае багатаму, той зьбяднее.
Прыхілі вуха тваё, і слухай словы мудрых, і сэрца тваё павярні да маіх ведаў;
бо добра будзе, калі ты будзеш хаваць іх у сэрцы тваім, і яны будуць таксама на вуснах тваіх.
Каб надзея твая была на Госпада, я вучу цябе і сёньня, і ты памятай.
Ці ж ня пісаў я табе тройчы ў парадах і ў настаўленьні,Выс 3:5
каб навучыць цябе дакладным словам ісьціны, каб ты мог сказаць словы ісьціны тым, хто папытае ў цябе?
Не абірай беднага, бо ён бедны; і не заціскай няшчаснага ў браме;Дрз 24:17; Ёў 31:13
бо Гасподзь заступіцца за справу іхнюю і забярэ душу ў рабаўнікоў іхніх.Выс 23:11
Не сябруй зь гняўлівым і ня супольнічай з чалавекам запальчывым,Выс 15:18; Выс 29:22
каб ня стаць на шляхі ягоныя і не наклікаць пятлі на душу тваю.Выс 12:13
Ня будзь з тых, якія даюць рукі і ручаюцца за пазыкі.Выс 6:1
Калі табе няма чым заплаціць, дык навошта даводзіць сябе, каб узялі пасьцель тваю з-пад цябе.Выс 20:16
Не перасоўвай мяжы даўняй, якую правялі бацькі твае.Дрз 19:14; Выс 23:10
Ці бачыў ты чалавека спраўнага ва ўчынках сваіх? Ён будзе стаяць перад царамі; ён ня будзе стаяць перад простымі.