Php Filipperbrevet, kapitel Filipperbrevet, kapitel 1

Па́вел и тимофе́й, раби́ иису́с христо́вы, всем святы́м о христе́ иису́се су́щым в фили́ппех, с епи́скопы и диа́коны:

благода́ть вам и мир от бо́га отца́ на́шего и го́спода иису́са христа́.

Благодарю́ бо́га моего́ о всей па́мяти ва́шей,1Th 1:2

всегда́ во вся́цей моли́тве мое́й за всех вас с ра́достию моли́тву мою́ творя́,

о обще́нии ва́шем в благовествова́ние от пе́рваго дне да́же и доны́не,

наде́явся на сие́ и́стое, я́ко начны́й де́ло благо в вас соверши́т е да́же до дне иису́с христо́ва:Jhn 6:29; 1Th 1:3

я́коже есть пра́ведно мне сие́ му́дрствовати о всех вас, за е́же име́ти ми в се́рдцы вас, во у́зах мои́х и во отве́те и извеще́нии благове́стия, соо́бщников мне благода́ти всех вас су́щих.

Свиде́тель бо ми есть бог, я́ко люблю́ всех вас по ми́лости иису́с христо́ве:

и о сем молю́ся, да любо́вь ва́ша еще́ па́че и па́че избы́точествует в ра́зуме и во вся́цем чу́вствии,

во е́же искуша́ти вам лу́чшая, да бу́дете чи́сти и непреткнове́нни в день христо́в,1Th 5:23

испо́лнени плодо́в пра́вды иису́с христо́м, в сла́ву и похвалу́ бо́жию.Mat 5:16; Jhn 15:8

Разуме́ти же хощу́ вам, бра́тие, я́ко я́же о мне па́че во успе́х благовествова́ния приидо́ша,

я́ко у́зы моя́ явле́нны о христе́ бы́ша во всем суди́щи и в про́чих всех,Act 21:11

и мно́жайшии бра́тия о го́споде, наде́явшиися о у́зах мои́х, па́че дерза́ют без стра́ха сло́во бо́жие глаго́лати.Eph 3:13

Не́цыи у́бо по за́висти и ре́вности, друзи́и же и за благоволе́ние христа́ пропове́дают:2Co 2:17

о́ви у́бо от рве́ния христа́ возвеща́ют нечи́сте, мня́ще печа́ль нанести́ у́зам мои́м:

о́ви же от любве́, ве́дяще, я́ко во отве́те благовествова́ния лежу́.

Что у́бо? Оба́че вся́цем о́бразом, а́ще вино́ю, а́ще и́стиною христо́с пропове́даемь есть, и о сем ра́дуюся, но и возра́дуюся:

вем бо, я́ко сие́ сбу́дется ми во спасе́ние ва́шею моли́твою и подая́нием ду́ха иису́с христо́ва,

по ча́янию и упова́нию моему́, я́ко ни о еди́нем же постыжу́ся, но во вся́цем дерзнове́нии, я́коже всегда́, и ны́не возвели́чится христо́с в те́ле мое́м, а́ще живото́м, а́ще ли сме́ртию.

Мне бо е́же жи́ти, христо́с, и е́же умре́ти, приобре́тение (есть).Gal 2:20

А́ще же, е́же жи́ти (ми) те́лом, сие́ мне плод де́ла: и что изво́лю, не вем.

Обдержи́мь же есмь от обою́, жела́ние имы́й разреши́тися и со христо́м бы́ти, мно́го па́че лу́чше:2Co 5:8

а е́же пребыва́ти во пло́ти, ну́жнейше (есть) вас ра́ди.

И сие́ изве́стне вем, я́ко бу́ду и спребу́ду вам всем в ваш успе́х и ра́дость ве́ры,

я́ко да похвала́ ва́ша избы́точествует о христе́ иису́се во мне, мои́м прише́ствием па́ки к вам.2Co 1:14; Php 2:16

То́чию досто́йне благовествова́нию христо́ву жи́телствуйте, да а́ще прише́д и ви́дев вас, а́ще и не сый у вас, услы́шу я́же о вас, я́ко (и́стиною) стоите́ во еди́нем ду́се, и единоду́шне сподвиза́ющеся по ве́ре благовествова́ния (во́лею),Eph 4:1; Col 1:10; 1Th 2:12

и не коле́блющеся ни о еди́нем же от сопроти́вных: е́же тем у́бо есть явле́ние поги́бели, вам же спасе́ния. И сие́ от бо́га:Luk 12:4

я́ко вам дарова́ся, е́же о христе́, не то́кмо е́же в него́ ве́ровати, но и е́же по нем страда́ти,Act 5:41

то́йже по́двиг иму́ще, яко́в же во мне ви́десте и ны́не слы́шите о мне.1Th 2:2