Пс Псалтыр, псалом Псалтыр, псалом 49
Псальма Асафава.
Бог над багамі, Гасподзь, прамовіў, і заклікае зямлю, ад усходу сонца да захаду.Дрз 10:17
Зь Сіёна, які ёсьць карона красы, зьяўляецца Бог,Пс 47:3
ідзе Бог наш - і не маўчыць: перад ім вагонь пажыральны, а вакол Яго моцная бура.Пс 2:5
Ён заклікае нябёсы згары, і зямлю - народ Свой судзіць:Дрз 31:28
«зьбярэце Мне пабожных Маіх, што пры ахвяры склалі са мной запавет».Мц 24:31
І абвесьцяць нябёсы праўду Ягоную; бо судзьдзя гэты - Бог.
Слухай, народзе Мой, буду Я прамаўляць, Ізраіле! буду Я сьведчыць супроць цябе: Я - Бог, твой Бог.Пс 80:9
Не за ахвяры твае Я дакарацьму цябе; цэласпаленьні твае заўжды прада Мною,
не вазьму цяляці з дома твайго, ні казлоў з кашараў тваіх;Іс 66:3; Ер 6:20; Ас 5:6
бо Мае ўсе зьвяры ў лесе, і быдла на тысячы гор,
ведаю ўсё птаства ў гарах і зьвер польны прада Мною.
Калі б Я быў галодны, дык не сказаў бы табе; бо Мой сусьвет і ўсё, што яго напаўняе.Вых 19:5; Пс 23:1; Ёў 41:3
Ці ем Я валовае мяса, і ці п'ю Я казьліную кроў?
Прынясі Богу ў ахвяру падзяку, і выконвай твае абяцаньні Ўсявышняму,Пс 115:8; Рым 12:1
і пакліч Мяне ў дзень смутку; Я ўратую цябе, і ты ўславіш Мяне.Пс 26:8; Зах 13:9
А грэшніку кажа Бог: чаго прапаведуеш ты ўстанаўленьні Мае і бярэш Мой запавет у вусны твае,Рым 2:21; 1Кар 9:27
а сам ненавідзіш Маё настаўленьне, і словы Мае за сябе адкідаеш?Мц 7:3
Калі бачыш ты злодзея, лагодзішся зь ім, і зь пералюбцамі стасункуешся,Мц 24:49; Эф 5:7
вусны твае пускаеш на слова ліхое і язык твой хітрыну пляце;Міх 6:12
сядзіш і на брата твайго намаўляеш, на сына маці тваёй паклёпы пускаеш;
ты гэта рабіў, і Я маўчаў; ты падумаў, што Я такі самы, як ты. Выкрыю цябе, і пакажу вачам тваім грахі твае.Іс 42:14; Іс 47:11; Іс 57:11
Зразумейце гэта вы, хто забывае Бога, каб Я не забраў вас, бо ня будзе каму ратаваць.
Хто ў ахвяру падзяку прыносіць, той шануе Мяне, і хто на дарогі свае зважае, таму пакажу Я Божы ратунак!Лк 8:39; Ян 7:17