Ас Асія, раздзел Кніга прарока Асіі, раздзел 13
Калі прамаўляў Эфраім, [усе] трымцелі, ён быў узвышаны ў Ізраілі. Але ён стаўся вінаватым праз Баала і памёр.3Цар 14:10; 3Цар 16:31; 4Цар 9:7
А цяпер павялічваюць грэх і робяць сабе літыя выявы са срэбра свайго, ідалаў паводле разуменьня свайго. Гэта ўсё ў іх выраб разьбярскі. Яны кажуць: «Людзі, якія складаюць ахвяры, няхай цалуюць цяля».4Цар 17:17; 2Пар 28:3
Дзеля гэтага будуць яны як туман ранішні, як раса, што хутка зьнікае, як мякіна, якую вецер разносіць на току, і як дым з коміну.Ёў 21:18; Пс 1:4
Але Я — ГОСПАД, Бог твой, [ад выхаду] з зямлі Эгіпецкай, і ты ня ведаў Бога, акрамя Мяне, і няма Збаўцы, акрамя Мяне.Вых 20:2; Дрз 5:6; Ас 12:10; Пс 3:9
І Я пазнаў цябе ў пустыні, у зямлі вельмі сухой.Дрз 8:15
На пашах сваіх яны насыціліся; яны насыціліся, і ўзганарылася сэрца іхняе, і яны забыліся пра Мяне.Дрз 8:11; Дрз 31:20
І Я буду для іх як леў, як леапард на дарозе буду цікаваць [на іх].Плач 3:10; Ас 5:14
Я сустрэну іх як мядзьведзіца, пазбаўленая дзяцей, і разарву заслону сэрца іхняга, і зьем іх там як леў; зьвер палявы разьдзярэ іх.
Ты сам сябе зьнішчыў, Ізраіль, бо ў-ва Мне дапамога твая.Іс 3:9; Ер 2:11
Дзе цяпер валадар твой, які выбавіць цябе ў-ва ўсіх гарадах тваіх? І дзе судзьдзі твае, якім ты казаў: «Дай мне валадара і князёў»?1Цар 8:5
Я даў табе валадара ў гневе Маім і забраў яго ў абурэньні Маім.Ёў 34:30; Дзеі 13:21
Зьвязанае ў вузел беззаконьне Эфраіма, захаваны грэх ягоны.Ёў 14:17; Ер 17:1
Болі, як у парадзіхі, прыйдуць на яго. Ён — сын бяз мудрасьці, бо ня стаў у час у месцы нараджэньня сыноў.Быц 35:18
Я выбаўлю іх ад рукі пекла, адкуплю іх ад сьмерці. Сьмерць, дзе джала тваё? Пекла, дзе перамога твая? Спачуваньне схаванае перад вачыма Маімі.Пс 16:10; Пс 56:14; Дзеі 10:42; 1Кар 15:55; Габр 2:14
Хоць ён прыносіць плады між братамі, прыйдзе вецер усходні. Вецер ГОСПАДА з пустыні ўзьнімаецца, і прыбярэ жаролы ягоныя, і высушыць крыніцы ягоныя. Ён спустошыць скарбніцу ўсіх начыньняў каштоўных.Езк 19:12; Ас 4:19