Псสดด Псалтырสดุดี, псаломบทที่ Псалтырสดุดี, псаломบทที่ 33

Весяліцеся ў ГОСПАДЗЕ, праведнікі; правым пасуе хвала.Пс 32:11; Пс 147:1

Слаўце ГОСПАДА на гусьлях, выслаўляйце Яго на псалтыры дзесяціструнным!Пс 92:4

Сьпявайце Яму новы сьпеў; спраўна грайце [Яму] пад трубныя гукі.Пс 40:4; Іс 42:10; Адкр 5:9

Бо слушнае слова ГОСПАДА, і ўсе творы Ягоныя верныя.

Ён любіць праведнасьць і суд; міласэрнасьцю ГОСПАДА напоўнена зямля.

Словам ГОСПАДА зроблены нябёсы, а подыхам вуснаў Ягоных — усе войскі іхнія.Быц 1:6; Ян 1:3

Ён сабраў як капу воды марскія, Ён склаў іх у скарбніцу бяздоньняў.Ёў 38:8; Ер 5:22

Няхай баіцца ГОСПАДА ўся зямля, няхай дрыжаць перад Ім усе жыхары сусьвету.

Бо Ён сказаў — і сталася, Ён загадаў — і паўстала.Быц 1:3

ГОСПАД разьбіў намеры паганаў, запярэчыў думкам народаў.Ёў 5:12

Намер ГОСПАДА будзе трываць на вякі, думкі сэрца Ягонага — з пакаленьня ў пакаленьне.Выс 19:21; Іс 46:4

Шчасьлівы народ, у якога ГОСПАД ёсьць Бог, народ, які Ён выбраў на спадчыну для Сябе.Пс 65:5; Пс 144:15

З неба ГОСПАД глядзіць, Ён бачыць усіх сыноў чалавечых;2Пар 16:9; Ёў 28:24

з месца, дзе Ён жыве, Ён паглядае на ўсіх жыхароў зямлі.

Ён уфармаваў сэрца кожнага з іх, Ён зважае на ўсе ўчынкі іхнія.

Ня будзе збаўлены валадар войскам вялікім, волат ня вызваліцца праз вялікую сілу сваю;

ненадзейны конь для выратаваньня, і вялікая сіла ягоная ня дасьць выбаўленьня.Выс 21:31

Вось, вока ГОСПАДА над тымі, якія баяцца Яго, якія спадзяюцца на міласэрнасьць Ягоную,Ёў 36:7; Пс 34:16; 1Пётр 3:12

што Ён вызваліць ад сьмерці душы іхнія, і захавае жыцьцё ў [час] голаду.

Душа нашая чакае на ГОСПАДА; Ён — дапамога наша і шчыт наш.

Бо ў Ім радуецца сэрца нашае; бо мы на імя Яго сьвятое спадзяемся.Іс 66:14

Няхай будзе міласэрнасьць Твая, ГОСПАДЗЕ, над намі, як мы на Цябе спадзяемся!