Псสดด Псалтырสดุดี, псаломบทที่ Псалтырสดุดี, псаломบทที่ 147

Хвалеце ГОСПАДА, бо Ён добры; выслаўляйце Бога нашага, бо прыемна гэта. Хвала належыць Яму!Пс 92:2

ГОСПАД будуе Ерусалім, зьбірае выгнанцаў Ізраіля.Пс 51:20; Іс 60:10

Ён лечыць скрышаных сэрцам і перавязвае раны іхнія.Іс 61:1

Ён вызначае лік зоркам, кожную імем яе называе.Іс 40:26

Вялікі Госпад наш і багаты сілай, розум Ягоны меры ня мае.Пс 145:3; Іс 40:28

ГОСПАД дапамагае ўцісканым, бязбожнікаў да зямлі паніжае.Пс 146:8

Адкажыце ГОСПАДУ падзякай, выслаўляйце Бога нашага на гусьлях.

Ён закрывае неба хмарамі, рыхтуе для зямлі дождж, узрошчвае траву на гарах,Дзеі 14:17

дае скаціне спажыву яе, і груганятам, што крычаць да Яго.Ёў 38:41; Пс 104:14; Мц 6:26

Ня ў сіле каня Ён мае ўпадабаньне і ня ногі мужа даспадобы Яму,

але даспадобы ГОСПАДУ тыя, што баяцца Яго, што спадзяюцца на міласэрнасьць Ягоную.Дзеі 10:35

Слаў ГОСПАДА, Ерусалім, хвалі Бога твайго, Сыёне!

Бо Ён умацаваў завалы брамаў тваіх, дабраславіў сыноў тваіх пасярод цябе.

Ён дае супакой у межах тваіх, тлустасьцю пшаніцы насычае цябе.Дрз 32:14

Ён спасылае слова Сваё на зямлю, вельмі хутка бяжыць пастанова Ягоная!

Ён дае сьнег, быццам воўну, сыпле шэрань, як попел.

Ён кідае лёд Свой кавалкамі; перад марозам Ягоным хто можа ўстаяць?

Ён пасылае слова Сваё, і растапляецца [ўсё]; Ён павее ветрам Сваім, і воды цякуць.Пс 33:9

Ён паведаміў слова, слова Сваё Якубу, пастановы Свае і суды Свае — для Ізраіля.Дзеі 13:17

Не зрабіў такога ніводнаму народу, і судоў Ягоных не пазналі яны. Альлелюя!Дрз 29:28; Дрз 33:4; Рым 2:3