Псสดด Псалтырสดุดี, псаломบทที่ Псалтырสดุดี, псаломบทที่ 77

Кіраўніку хору. Едутуну. Псальм Асафа.Пс 39:1

Голас мой да Бога, і буду крычаць; голас мой да Бога, і Ён пачуў мяне.

У дзень трывогі маёй шукаю я Госпада; уначы рука мая працягнутая і не зьнемагаецца; адмаўляецца ад пацяшэньня душа мая.2Пар 20:3; Пс 18:7; Пс 50:15

Узгадваю пра Бога і стогну; енчу і зьнемагае дух мой. (Сэлях)

Ты затрымаў павекі вачэй маіх; я ўстрывожаны, і не магу гаварыць.

Разважаю пра дні старадаўнія, пра гады спрадвечныя.Пс 143:5

Уначы ўзгадваю песьні мае, енчу ў сэрцы маім, і дапытваецца дух мой:Іс 26:9

«Няўжо Госпад на вякі адкінуў мяне і ня будзе больш спагадаць?Пс 13:2; Пс 85:6; Плач 3:31

Няўжо назаўсёды канец міласэрнасьці Ягонай, і вестка з пакаленьня ў пакаленьне счэзла?

Няўжо Бог забыўся пра літасьцівасьць Сваю і спыніў у гневе Сваім літасьць Сваю?» (Сэлях)Мк 4:38

І я сказаў: «Гэта боль мой, што зьмянілася правіца Найвышэйшага.Іс 41:10

Буду ўзгадваць дзеяньні ГОСПАДА; бо хачу ўзгадваць цуды Твае старадаўнія.Дрз 32:7; Пс 71:17; Пс 105:2

І буду разважаць пра ўсе справы Твае, і пра вялікія ўчынкі Твае буду апавядаць».

У сьвятасьці, Божа, шлях Твой. Які Бог гэтакі вялікі, як Бог?Пс 89:9

Ты — Бог, Які цуды робіць. Ты даў спазнаць народам моц Тваю.Лк 1:51

Ты бараніў рамяном Тваім народ Твой, сыноў Якуба і Язэпа. (Сэлях)Вых 14:19

Убачылі Цябе воды, Божа, убачылі Цябе воды і задрыжэлі, і затрэсьліся бяздоньні.Вых 14:21

Лінулі з хмараў воды; выдалі голас аблокі, і лёталі стрэлы Твае.

Голас грымотаў Тваіх у віхуры; маланкі сусьвет асьвятлялі; зямля трэслася і дрыжэла.Ёў 37:5

Праз мора ішоў шлях Твой, і сьцяжына Твая — праз воды вялікія, і сьлядоў Тваіх нельга пазнаць.Ёў 38:16; Абак 3:15

Ты вёў народ Твой, як авечкі, рукой Майсея і Аарона.Вых 14:15