Psa Mga Salmo, salmo Ang Libro sa Mga Salmo, salmo 71
Kanimo, Ginoo, nagdangop ako.
Ayaw itugot nga maulawan ako.Psa 31:1
Tabangi ako ug luwasa tungod kay ikaw matarong.
Pamatia ako ug luwasa.
Sama ka sa salipdanan nga bato alang kanako;
kanimo ako kanunay modangop.
Nagsugo ka nga luwason ako,
kay ikaw ang akong salipdanan nga bato ug lig-ong tago-anan.Mat 4:6; Luk 4:10
O Dios ko, luwasa ako
gikan sa kamot sa daotan
ug bangis nga mga tawo.Psa 91:14
Kay ikaw ang akong paglaom, Ginoong Dios.
Sukad sa bata pa ako, misalig na ako kanimo.Heb 2:13
Sukad sa akong pagkatawo misalig ako kanimo
ug gipanalipdan mo ako.71:6 gipanalipdan mo ako: mao kini sa Septuagint, apan sa Hebreo dili kini klaro.
Dayegon ka nako sa walay kataposan.Deu 10:21; Psa 22:9
Nahimong panig-ingnan
ang akong kinabuhi sa kadaghanan,
tungod kay ikaw ang akong lig-ong tigpanalipod.Ezk 12:6; Ezk 24:27
Dayegon ko kanunay
ang imong pagkagamhanan.Psa 51:15
Ayaw ako isalikway kon ako tigulang na.
Ayaw ako pasagdi kon ako maluya na.Psa 69:3; Isa 46:4
Kay ang akong mga kaaway nagtigom
ug nagsabot mahitungod kanako;
buot nila akong patyon.
Miingon sila, “Gipasagdan na siya sa Dios,
busa gukdon nato siya
ug dakpon kay wala nay motabang kaniya.”
O Dios ko, ayaw pagpahilayo kanako;
tabangi dayon ako.Psa 70:1
Hinaut pa nga ang mga nagbutang-butang kanako
maulawan ug malaglag.
Hinaut pa nga ang buot modagmal kanako
maulawan ug biay-biayon.Psa 35:4
Apan ako, O Dios, molaom kanunay kanimo,
ug mosamot pa gayod ang akong pagdayeg kanimo.
Isugilon ko kanunay ang matarong mong mga binuhatan
sa pagluwas sa imong katawhan,
bisan kon dili ko kini matugkad.
Dayegon ko ang imong gamhanang mga buhat, Ginoong Dios.
Imantala ko
ang imo lamang nga pagkamatarong.
O Dios, sukad sa bata pa ako,
gitudloan mo na ako mahitungod
sa imong katingalahang mga gipangbuhat,
ug hangtod karon gisugilon ko kini.Psa 77:11
Ug kon tigulang na ako ug ubanon,
ayaw ako pasagdi, O Dios,
hangtod nga ikasugilon ko ang imong gahom
ug kusog sa umaabot nga mga henerasyon.Isa 46:4
Ang imong pagkamatarong, O Dios,
dili matugkad.
Katingalahan ang imong mga gipangbuhat;
wala gayoy sama kanimo.Exo 15:11; Rev 17:14
Bisan gipatagamtam mo ako ug daghang pag-antos,
hatagan mo gihapon ako ug bag-ong kinabuhi;
mahisama ako sa patay nga buhion mo pag-usab.Psa 68:22
Himuon mo akong mas labaw pang dungganon,
ug lipayon mo ako pag-usab.Deu 32:39
O Dios ko, tungod sa imong pagkamatinumanon
dayegon ka nako pinaagi sa pagtukar sa harpa.
Awitan ka nako ug mga pagdayeg nga dinuyogan sa harpa,
O Balaan nga Dios sa Israel.Psa 89:18; Psa 150:3
Mosinggit ako sa kalipay samtang nag-awit ako
ug mga pagdayeg kanimo tungod kay giluwas mo ako.
Isugilon ko kanunay ang imong pagkamatarong,
kay ang mga tawong buot modagmal kanako naulawan.