Pro Mga Panultihon, kapitulo Ang Libro sa Mga Panultihon, kapitulo 29
Ang tawong gahig ulo bisag sigehan ug badlong,
sa kalit lang mapukan ug dili na makabangon pa.Pro 28:14
Kon mga matarong ang mangulo malipayon ang mga tawo,
apan kon mga daotan ang mangulo masubo gayod sila.Exo 2:23
Ang tawong nagtinguha nga magmaalamon maghatag ug kalipay sa iyang amahan.
Ang tawong nagsigeg pakig-uban sa mga babayeng nagbaligya sa ilang dungog
gausik-usik lang sa iyang kuwarta.Pro 10:1; Luk 15:13
Kon ang tinguha sa hari mao ang pagpatunhay sa hustisya,
ginalig-on niya ang iyang gingharian,
apan ang hari nga nawong ug sapi,
magpukan sa iyang gingharian.
Ang tawong mang-ulog-ulog
nagplanog daotan sa iyang isigka-tawo.
Ang tawong daotan malit-agan sa iyang kaugalingong sala,
apan ang tawong matarong mag-awit nga malipayon.Psa 9:16
Ang tawong matarong naghatag ug bili sa katungod sa mga kabos.
Dili kini masabtan sa tawong daotan.Pro 28:5
Ang mga tawong bugal-bugalon tigpasiugda ug kasamok sa lungsod,
apan ang mga maalamon tigpahusay niini.Pro 11:11; Ecc 9:18
Wala gayoy paingnan kon makighusay ang tawong maalamon sa usa ka buang-buang,
kay magsige lang ug tagawtaw ug magbugal-bugal ang buang-buang.
Kalagotan ug gusto patyon sa mga kriminal
ang mga tawong nagkinabuhi sa husto ug dili salawayon.
Ang tawong buang-buang mopagawas gayod sa iyang kasuko,
apan ang tawong maalamon makapugong sa iyang kaugalingon.Pro 15:1
Kon ang usa ka pangulo motuo ug bakak,
ang tanan niyang mga opisyal mahimong daotan.
Ang kabos ug ang nangdaog-daog kaniya
managsama nga gihatagan sa Ginoo ug mga mata.29:13 Ang buot ipasabot, parehas ra silang binuhat sa Dios.
Kon ang usa ka hari matarong nga mohukom sa mga kabos,
magpadayon ang iyang paghari.Pro 16:12; Pro 20:28; Pro 25:5
Ang pagbunal ug pagbadlong sa bata
aron sa pagdisiplina kaniya makatudlo kaniya nga magmaalamon,
apan kon pasagdan lang siya,
makahatag siyag kaulawan sa iyang ginikanan.Pro 10:1
Kon daotan ang mga nangulo, mosamot ang pagpakasala.
Apan malaglag sila, ug makita kini sa mga matarong.Psa 37:36
Disiplinaha ang imong anak,
ug hatagan kaniyag kalinaw ug kalipay.Pro 23:13
Kon walay mensahe sa Dios nga maggiya sa nasod,
wala kini kahusay.
Bulahan ang mga tawo
nga nagtuman sa kasugoan sa Dios.
Adunay sulugoon nga dili mo matudloan kon imong istoryahan,
kay bisan nasabtan ka niya, dili siya motuman.
Mas may paglaom pa ang tawong buang-buang
kaysa tawong magpataka lag yawyaw.Ecc 5:2; Jas 1:19; Pro 26:12
Kon patughan mo lang sa gusto ang imong sulugoon gikan sa bata pa siya,
mahimo mo unya siyang problema.
Ang tawong daling masuko makahatag ug kagubot,
ug daghag mahimong sala.Pro 15:18
Ang kahambogiro sa tawo maghatod kaniya sa kaulawan,
apan ang pagkamapainubsanon makahatag kaniyag dungog.Job 22:29; Pro 15:33; Mat 23:12
Ang tawo nga kakunsabo sa kawatan nagbutang sa iyang kaugalingon sa kakuyaw.
Bisan unsaon ug patug-an dili gayod siya motug-an.Lev 5:1
Makuyaw kon kita talawan. Apan kon mosalig lang kita sa Ginoo,
wala gayoy daotang mahitabo kanato.Mat 14:5; Pro 16:20; Jer 17:7
Daghan ang mangayog pabor sa usa ka pangulo,
apan ang Ginoo lang gayod ang makahatag ug hustisya.Pro 19:6
Ngil-aran ang mga matarong sa mga daotan,
ug ngil-aran usab ang mga daotan sa mga matarong.Jhn 15:19