Пс Псалтыр, псалом Псалтыр, псалом 67
Кіроўцу хору. Псальма Давідава. Песьня.
Няхай паўстане Бог - і расьсеюцца ворагі Ягоныя, і хай ад аблічча Ягонага ўцякуць Яго ненавісьнікі!Лік 10:35
Як дым разьвейваецца, так іх разьвей; як топіцца воск ад вагню, так бязбожнікі прад абліччам Божым хай загінуць!
А праведнікі хай узрадуюцца і ўсьцешацца прад Богам, і ўзьвесяляцца ў радасьці.Пс 63:11
Сьпявайце Богу нашаму, сьпявайце імю Ягонаму, праслаўляйце Таго, Хто па нябёсах ідзе; Гасподзь імя Яму, - і прад абліччам Ягоным радуйцеся.Іс 40:3; Іс 57:14
Сіротам Бацька і ўдовам судзьдзя Бог у сьвятой сялібе Сваёй!Пс 145:9; Ян 14:18
Бог самотных уводзіць у дом, вызваляе вязьняў з кайданаў; а непакорлівыя застаюцца ў скварнай пустыні.Пс 112:9
Божа! калі Ты выходзіў перад народам Тваім, калі Ты ішоў па пустыні,Вых 13:20; Лік 14:14
зямля скаланалася, нават нябёсы плавіліся, ад аблічча Божага, і гэты Сінай - ад аблічча Бога, Бога Ізраілевага.Вых 20:18
Шчодры дождж праліваў Ты, Божа, на Тваю спадчыну, і калі яна зьнемагала ад працы, Ты падмацоўваў яе.Іс 32:15; Іс 44:3; Ёіл 2:28
Народ Твой там жыў; з даброці Тваёй, Божа, ты ўдзяляў беднаму.
Гасподзь дасьць слова: зьвястунак вялікае мноства.Іс 52:7
«Цары войска ўцякаюць, уцякаюць, а тая, што дома сядзіць, дзеліць здабычу.
Калі спачываеце вы ў сваіх вотчынах, вы - як галубіца, у якое крылы срэбрам пакрытыя, а пёры чыстым золатам:
калі Ўсемагутны расьсеяў цароў на гэтай зямлі, яна забялела, быццам сьнег на Сэлмоне.Суд 9:48
Гара Божая! - гара Васанская! гара высокая - гара Васанская!
Што ж вы зайздросьліва глядзіце, горы высокія, на гару, на якой Бог з добрай волі жыве, і Гасподзь жыцьме вечна!Пс 113:4
Калясьніц Божых процьма, тысячы тысяч сярод іх; сярод іх Гасподзь на Сінаі, у сьвятыні.Дрз 33:2
Ты ўзышоў на вышыню, запалоніў палон, прыняў дары дзеля людзей, каб і адступнікі жыць маглі ў Госпада Бога.Эф 4:10
Дабраславёны Бог кожны дзень, Бог ускладае на нас цяжар, але Ён і ратуе нас.
Бог нам - Бог на ратаваньне; ва ўладзе Госпада Ўладыкі брама сьмерці.Дрз 32:39; 1Цар 2:6
Але Бог патрушчыць голаў ворагам Сваім, валасатае цемя таго, хто ў грахах сваіх закасьцянеў.
Гасподзь сказаў: ад Васана вярну, выведу з прадоньня марскога,Лік 21:33
каб ты апусьціў нагу тваю, як сабакі твае язык свой, у кроў ворагаў.Пс 57:11; Адкр 14:20
Бачылі шэсьце Тваё, Божа, шэсьце Бога майго, Цара майго ў сьвятыні:
наперадзе йшлі сьпевакі, ззаду ішлі музыкі, пасярэдзіне дзевы з тымпанамі:Вых 15:20; 1Цар 18:6
«Дабраслаўляйце Бога Госпада на сходах, вы - ад семені Ізраілевага!»Пс 21:23; Ян 20:17
Там Веньямін малодшы - іхні князь; князі Юдавы - уладыкі іхнія; князі Завулонавы, князі Нэфталімавы.
Бог твой наказаў табе сілу. Умацуй, Божа, тое, што Ты зрабіў нам!
Дзеля храма Твайго ў Ерусаліме цары прынясуць Табе дары.Пс 71:10; Іс 60:6
Утаймуй зьвера ў трысьнягу, - статак валоў сярод цялят народаў, якія хваляцца зьліткамі срэбра; рассып народы, што бітваў прагнуць.
Прыйдуць вяльможы з Егіпта; Эфіопія рукі свае працягне да Бога.Іс 18:7
Царствы зямныя! сьпявайце Богу, услаўляйце Госпада,
Які крочыць на нябёсах нябёсаў спрадвеку. Вось, Ён дае голасу Свайму голас моцы.Пс 28:3; Зах 9:14; Адкр 4:5
Узьнясеце славу Богу! веліч Ягоная - на Ізраіле, і магутнасьць Ягоная - на аблоках.
Грозны Ты, Божа, у Сьвятыні Тваёй. Бог Ізраілеў - Ён дае сілу і моц народу Свайму. Дабраславёны Бог!