Пс Псалтыр, псалом Псалтыр, псалом 70
На Цябе, Госпадзе, спадзяюся; хай ня буду вавек пасаромлены.Пс 30:2
Праўдай Тваёй мяне вызвалі і выбаві; прыхілі вуха Тваё да мяне, і ўратуй мяне.
Будзь мне трывалым прыстанішчам, куды я заўсёды мог бы схавацца; Ты наказаў уратаваць мяне, бо цьвярдыня мая і моцнасьць мая - Ты.Мц 4:6; Лк 4:10
Божа мой! вызвалі мяне з рук бязбожніка, з рук бязбожніка і прыгнятальніка.Пс 90:14
Бо Ты - надзея мая, Госпадзе Божа, спадзяваньне маё зь юнацтва майго.Габр 2:13
На Цябе апіраўся я быў ад улоньня; Ты вывеў мяне з чэрава маці маёй; Табе хвала мая ня спыніцца.Дрз 10:21; Пс 21:10
Многім я стаўся нібыта дзівам; але Ты - цьвёрдая надзея мая.Езк 12:6; Езк 24:27
Няхай вусны мае хвалою напоўняцца, каб я Табе славу сьпяваў, кожны дзень апяваў Тваю веліч.Пс 50:17
Не адкідай мяне на час старасьці; як пачне мая сіла слабнуць, не пакінь мяне,Пс 68:4; Іс 46:4
бо ворагі мае супраць мяне змаўляюцца, і тыя, што цікуюць душу маю, - ладзяць нарады,
кажучы: «Бог яго кінуў; даганеце і схапеце яго; бо няма таго, хто б яго ўратаваў».
Божа! не аддаляйся ад мяне; Божа мой! пасьпяшайся мне на дапамогу.Пс 69:2
Хай пасаромяцца і зьнікнуць супастаты душы маёй; хай сорам і ганьба пакрые тых, што зычаць мне ліха!Пс 34:4
А я заўсёды буду на Цябе спадзявацца і памнажаць Тваю славу.
Вусны мае абвяшчацьмуць праўду Тваю, кожны дзень Твае добрыя дзеі; бо я ня ведаю ліку ім.
Буду славіць усемагутнасьць Госпада Бога; згадаю праўду Тваю - адзіна Тваю.
Божа! Ты навучаў мяне зь дзён маёй маладосьці, і да сёньня дзівосы Твае я абвяшчаю.Пс 76:12
І да старасьці, і да сівізны не пакінь мяне, Божа, пакуль не абвяшчу Тваю сілу гэтаму роду і ўсім будучым магутнасьць Тваю.Іс 46:4
Праўда Твая, Божа, да найвышэйшых; вялікія дзеі ўчыніў Ты; Божа, хто падобны да Цябе?Вых 15:11; Адкр 17:14
Ты пасылаў на мяне многія і лютыя беды, але і зноў ажыўляў мяне і зь бездані зямлі зноў выводзіў мяне.Пс 67:23
Ты ўзвышаў мяне і суцяшаў мяне, і зь бездані зямлі выводзіў мяне.Дрз 32:39
І я буду славіць Цябе на псалтыры, Тваю праўду, Божа мой; буду Цябе апяваць на арфе, Сьвяты Ізраілеў!Пс 88:19; Пс 150:3
Радуюцца вусны мае, калі я сьпяваю Табе, і душа мая, якую Ты вызваліў;
і язык мой кожны дзень будзе абвяшчаць праўду Тваю, бо пасаромленыя, бо паганьбёныя тыя, што ліха шукаюць мне.