Габр Габрэям, раздзел Пасланне да Габрэяў, раздзел 13
Любоў братняя няхай застаецца.
Пра гасьціннасьць не забывайцеся, бо праз яе некаторыя, ня ведаючы, гасьцявалі анёлаў.Быц 18:3; Быц 19:2; Мц 25:35; Рым 12:13
Памятайце пра вязьняў, нібы ўвязьненыя разам [з імі], і пра тых, што ў нягодах, як тыя, якія самі ў целе.
Сужонства [няхай будзе] шанаванае ў-ва ўсіх і сужыцьцё беззаганнае; а распусьнікаў і чужаложнікаў будзе судзіць Бог.1Кар 6:15
Ня будзьце срэбралюбныя, задавальняючыся тым, што маеце. Бо Ён сказаў: «Не адпушчу цябе і не пакіну цябе»,Нав 1:5; Быц 28:15; Мц 6:34
так што, маючы пэўнасьць, мы кажам: «Госпад мне ўспамога, і не спалохаюся, што зробіць мне чалавек?».Пс 118:6
Памятайце кіраўнікоў вашых, якія казалі вам слова Божае; і, аглядаючы вынік жыцьця іх, пераймайце веру [іхнюю].1Фес 5:12
Ісус Хрыстос учора і сёньня Той Самы, і на вякі.1Кар 3:11; Адкр 1:4
Вучэньнямі рознымі і чужымі не захапляйцеся; бо добра ласкай мацаваць сэрца, а ня ежай, ад якой ня мелі карысьці тыя, што ходзяць [за ёю].Ян 6:27; Эф 4:14
Мы маем ахвярнік, з якога ня маюць права есьці тыя, якія служаць у намёце.1Кар 9:13
Бо як целы тых жывёлаў, кроў якіх за грахі прыносіцца першасьвятаром у сьвятыню, спальваюцца па-за табарам,Ляв 16:27
так і Ісус, каб асьвяціць праз кроў Сваю народ, пакутаваў за брамамі.Мц 21:39; Мц 27:33; Адкр 1:5
Дык выйдзем да Яго па-за табар, пераносячы зьнявагі Ягоныя,1Пётр 4:14; Габр 11:26; Габр 12:2
бо мы ня маем тут трывалага гораду, але шукаем будучага.Флп 3:20; Габр 12:22
Дык будзем праз Яго прыносіць Богу няспынна ахвяры хвалы, гэта ёсьць плод вуснаў, якія вызнаюць імя Ягонае.Пс 50:14; Пс 51:19; Ас 14:3
Пра дабрадзейнасьць і супольнасьць не забывайцеся, бо гэткія ахвяры падабаюцца Богу.2Кар 9:12; Флп 4:18
Слухайцеся кіраўнікоў вашых і будзьце пакорнымі, бо яны чуваюць над душамі вашымі, як абавязаныя здаць справаздачу [за іх], каб яны рабілі гэта з радасьцю, а не ўздыхаючы, бо гэта для вас некарысна.Езк 33:7; Мц 25:13; Дзеі 20:31; 1Кар 4:1
Маліцеся за нас; бо мы перакананыя, што маем добрае сумленьне, у-ва ўсім хочучы жыць справядліва.Дзеі 23:1; Рым 15:30
Асабліва ж прашу рабіць гэта, каб я хутчэй быў вам вернуты.
А Бог супакою, Які падняў з мёртвых у крыві вечнага запавету вялікага Пастыра авечак, Госпада нашага Ісуса,Іс 40:11; Зах 9:16; Ян 10:11; Дзеі 2:24; 1Фес 1:10
няхай удасканаліць вас у-ва ўсякай справе добрай, дзеля выкананьня волі Ягонай, робячы ў вас тое, што даспадобы Яму, праз Ісуса Хрыста, Якому слава на вякі вякоў. Амэн.1Пётр 5:10; 2Кар 3:5; 1Фес 5:23
Прашу ж вас, браты, прыйміце слова пацяшэньня, бо я ж крыху напісаў вам.
Ведайце, што брат наш Цімафей вызвалены; з ім разам, калі хутка прыйдзе, угледжу я вас.
Прывітайце ўсіх кіраўнікоў вашых і ўсіх сьвятых. Вітаюць вас тыя, што з Італіі.
Ласка з усімі вамі. Амэн.