Габр Габрэям, раздзел Пасланне да Габрэяў, раздзел 1
Бог, Які шмат разоў і шматлікімі спосабамі здаўна гаварыў да бацькоў праз прарокаў,Лік 12:6; 1Пётр 1:10
у апошнія гэтыя дні прамовіў да нас праз Сына, Якога паставіў за спадкаемцу ўсяго, праз Якога і вякі ўчыніў.Пс 2:8; Іс 9:5; Ян 1:3; Ян 8:26; Ян 15:15; Гал 4:4; Эф 1:10
Ён, будучы зьзяньнем славы і выразам існасьці Ягонай і ўсё словам моцы Сваёй трымаючы, учыніўшы праз Сябе ачышчэньне грахоў нашых, сеў праваруч велічы на вышынях,Пс 110:1; 2Кар 4:4; Эф 1:7; Кал 1:15
стаўшыся лепшым за анёлаў нагэтулькі, наколькі слаўнейшае за іх успадкаеміў імя.Флп 2:9
Бо каму з анёлаў сказаў Ён калі: «Ты — Сын Мой, Я сёньня нарадзіў Цябе»? І яшчэ: «Я буду Яму Айцом, і Ён будзе Мне Сынам»?Пс 2:7; 2Цар 7:14; 1Пар 17:13; Габр 5:5
А калі ізноў уводзіць Першароднага ў сусьвет, кажа: «І няхай паклоняцца Яму ўсе анёлы Божыя».Пс 97:7
А наконт анёлаў кажа: «Ён робіць анёламі Сваімі духаў і служыцелямі Сваімі — полымя агню».Пс 104:4
А наконт Сына: «Пасад Твой, Божа, на век вечны; кій правасьці — кій валадарства Твайго.Лк 1:32
Ты палюбіў праведнасьць і зьненавідзеў беззаконьне. Дзеля гэтага памазаў Цябе, Божа, Бог Твой алеем весялосьці больш за таварышаў Тваіх».Пс 45:7; Іс 61:1; Ян 3:34; Дзеі 4:27
І: «Ты напачатку, Госпадзе, умацаваў зямлю, і неба — справа рук Тваіх;
яны загінуць, а Ты застаешся; і ўсе, як шаты, састарэюць,Іс 34:4; Іс 51:6; Мц 24:35
і, як адзеньне, Ты скруціш іх, і яны зьменяцца; а Ты — Той Самы, і гады Твае ня скончацца».Пс 102:26
А наконт каго з анёлаў сказаў Ён калі: «Сядзь праваруч Мяне, пакуль пакладу ворагаў Тваіх як падножжа ног Тваіх»?Пс 110:1; Мк 12:36; Мк 16:19; Эф 1:20
Ці ня ўсе яны — паслугавальныя духі, якія пасланыя на служэньне дзеля тых, якія маюць успадкаеміць збаўленьне?Быц 19:16; Пс 34:8; Пс 91:11; Пс 103:21; Дан 7:10; Дзеі 5:19