Як Якава, раздзел Пасланне Якава, раздзел 1
Якаў, раб Бога і Госпада Ісуса Хрыста, дванаццаці родам, якія ў расьсеяньні, - радавацца!
Зь вялікай радасьцю прымайце, браты мае, калі ўпадаеце ў розныя выпрабаваньні,Дзеі 5:41; 1Кар 10:13
ведаючы, што выпрабаваньне вашай веры робіцца цярплівасьцю,1Пётр 1:7; Рым 5:3
а цярплівасьць павінна мець дасканалае дзеяньне, каб вы былі дасканалыя ва ўсёй паўнаце, бязь ніякай пахібы.
Калі ж каму-небудзь з вас не хапае мудрасьці, хай просіць у Бога, Які дае ўсім проста і без дакораў, - і дасца яму.3Цар 3:12; Выс 2:6; Дан 2:21
Але няхай просіць зь вераю, і зусім не сумняваецца, бо хто сумняваецца, падобны да марское хвалі, якую гоніць і распырсквае вецер;Мц 7:7; Мк 11:24; Лк 11:9; Ян 14:13; Ян 16:23
Хай не спадзяецца такі чалавек атрымаць што-небудзь ад Госпада.
Чалавек двудушны - ня цьвёрды на ўсіх шляхах сваіх.
Хай славіцца пакорлівы брат у высокасьці сваёй,
а багаты ў пакоры сваёй, бо ён мінецца, бы краска ў траве:Ёў 14:2; Пс 89:6; Пс 102:15; Іс 40:6; 1Пётр 1:24
узыходзіць сонца, настае сьпёка, і высушвае траву, краска яе ападае, прападае хараство яе; так вяне і багаты ў шляхах сваіх.
Дабрашчасны чалавек, які вытрывае выпрабаваньне, бо пасьля выпрабаваньня ён атрымае вянок жыцьця, які паабяцаў Гасподзь тым, хто любіць Яго.Ёў 5:17; Выс 3:11; 2Цім 4:8; Габр 12:5
У выпрабаваньні ніхто хай ня кажа: «Бог мяне спакушае»; Бог бо не спакушаецца злом і сам не спакушае нікога,Лк 11:4
а кожны спакушаецца, калі ваблены і наджаны сваім пажаданьнем;
а пажаданьне, зачаўшы, родзіць грэх, а ўчынены грэх родзіць сьмерць.Рым 6:21; Рым 6:23
Не ашуквайце сябе, браты мае любасныя:
Усякае даньне добрае і ўсякі дар дасканалы зыходзіць згары, ад Айца сьвятла, у Якога няма перамены, ані ценю пераменнасьці.Лік 23:19; Іс 46:10; Мал 3:6; Ян 3:27
Захацеўшы, спарадзіў Ён нас словам ісьціны, каб сталіся мы нейкім пачаткам Ягоных твораў.Ян 1:13; 1Пётр 1:23; Габр 12:23
Дык вось, браты мае любасныя, кожны чалавек няхай будзе борзды ў слуханьні, марудлівы ў словах, марудлівы ў гневе;Выс 17:27; Экл 5:1; Экл 7:9
бо гнеў чалавечы ня творыць праўды Божай.
Таму, адклаўшы ўсялякую нячыстасьць і лішнюю злосьць, у пакоры прымеце пасеянае ў вас слова, якое можа ўратаваць вашы душы.Рым 1:16; Эф 4:22
Будзьце ж выканаўцы слова, а не слухачы толькі, што ашукваюць самі сябе.Мц 7:21; Лк 11:28; Рым 2:13
Бо хто слухае слова і ня выконвае, той падобны да чалавека, які разглядвае прыродныя рысы аблічча свайго ў люстры:
ён паглядзеў на сябе, адышоўся - і адразу забыўся, які ён ёсьць.
А хто пранікне ў закон дасканалы, закон свабоды, і застанецца ў ім, той, ня будучы слухачом забыўлівым, а выканаўцам дзеі, дабрашчасны будзе ў сваім дзеяньні.Ян 13:17; 2Кар 3:18
Калі ж хто з вас думае, што ён пабожны, і не таймуе свайго языка, а ашуквае сваё сэрца, у таго пустая пабожнасьць.Пс 33:14; Пс 38:2; 1Пётр 3:10
Чыстая і беспахібная пабожнасьць перад Богам і Айцом ёсьць тое, каб дагледзець сірот і ўдоваў у іхніх скрухах і захоўваць сябе неапаганенага сьветам.Іс 1:16; Як 2:17