Плач Плач Ераміі, раздзел Кніга плач Ераміі, раздзел 3
Я чалавек, які зьведаў гора ад жазла Твайго гневу:Езк 7:10
Ён павёў мяне і ўвёў у цемру, а не ў сьвятло.Ер 13:16
Толькі супроць мяне Ён зьвяртае руку Сваю кожнага дня;Ёў 19:21
выснажыў плоць маю і скуру маю, паламаў мае косьці;
абгарадзіў мяне і абклаў горыччу і цяготаю;Ер 9:15
пасадзіў мяне ў цёмнае месца, як даўно памерлых;Пс 142:3
акружыў мяне мурам, каб я ня выйшаў, уцяжыў аковы мае,Ёў 19:8
і хоць я клічу і енчу, нячулы Ён да малітвы маёй;
крушнямі загарадзіў мне дарогі, скрывіў сьцежкі мае.Ас 2:6
Ён мне стаўся як бы мядзьведзь у засадзе, як бы леў у патайным месцы;Ас 5:14; Ас 13:7
скрывіў дарогі мае і разарваў мяне, у нівеч абярнуў мяне;
напяў лук Свой і паставіў мяне як бы цэлем пад стрэлы;Ёў 16:12
паслаў у ныркі мае стрэлы з калчана Свайго.
Я зрабіўся пасьмешышчам усяму народу майму, штодзённаю скрушлівай песняй яго.Ёў 30:9
Ён насыціў мяне горыччу, напаіў мяне палыном;Ёў 9:18
скрышыў камянямі зубы мае, пасыпаў мяне попелам.Выс 20:17
І адышоў спакой ад душы маёй; я забыўся пра шчасныя дні,
і сказаў я: загінула сіла мая і надзея мая на Госпада.Ер 17:13
Падумай пра цярпеньні мае, пра гароту маю, пра жоўць і палын.
Цвёрда памятае гэта душа мая і ападае ўва мне.Мк 15:23
Вось, што я адказваю сэрцу майму і таму спадзяюся:
зь міласьці Госпада мы ня зьніклі, бо ня вычарпаўся Яго мілажаль:Нээм 9:31; Пс 85:13; Ян 3:16
ён абнаўляецца кожнае раніцы; вялікая вернасьць Твая!Пс 137:8
Гасподзь частка мая, кажа душа мая, спадзявацьмуся ж на Яго.Пс 15:5; Ер 10:16
Добры Гасподзь з тымі, што на Яго спадзяюцца, з душою, якая шукае Яго.Пс 33:9; Абак 2:3
Добра таму, хто цярпліва чакае ратунку ад Госпада.
Добра чалавеку, калі ён нясе ярмо ў маладосьці сваёй;Пс 118:71
сядзіць адасоблена і маўчыць, бо Ён ярмо наклаў на яго;Пс 38:10; Пс 76:11
кладзе вусны свае ў пыл, думаючы: «магчыма, яшчэ ёсьць надзея»;
падстаўляе шчаку сваю таму, хто яго б'е, здавальняецца ганьбаваньнем,Мц 5:39
бо не навек пакідае Гасподзь.Пс 76:8
Але паслаў гора, і ўмілажаліцца зь вялікай даброці Сваёй.Пс 29:6; Іс 54:7; Міх 7:18
Бо Ён не па волі сэрца Свайго карае і засмучае сыноў чалавечых.
Але калі топчуць нагамі сваімі ўсіх вязьняў зямлі,
калі несправядліва судзяць чалавека перад абліччам Усявышняга,
калі чалавека ўціскаюць у дзеях ягоных: хіба ня бачыць Гасподзь?
Хто гэта кажа: «І тое бывае, чаму Гасподзь не загадаў быць»?
Ці не ад вуснаў Усявышняга адбываецца бедства і посьпех?Ян 1:3
Навошта наракае чалавек жывы? кожны хай наракае на грахі свае.Ер 30:15; Мц 7:3
Выпрабуем і дасьледуем шляхі свае, і зьвернемся да Госпада.Ер 3:23; 1Кар 11:28
Узьнясём сэрца наша і рукі да Бога, сутнага на нябёсах:
мы адпалі і ўпарціліся; Ты ня зьлітаваўся:Дан 9:5
Ты пакрыў Сябе гневам і перасьледаваў нас, забіваў, не шкадуючы;
Ты засланіў сябе хмарай, каб не даходзіла наша малітва;
сьмецьцем і мярзотаю Ты зрабіў нас сярод народаў.1Кар 4:13
Разьзявілі на нас пашчу сваю ўсе ворагі нашы.
Жудасьць і яма, спусташэньне і разбурэньне - доля наша.Іс 24:17
Патокі водаў вылівае вока маё па пагібелі дачкі народа майго.Ер 14:17
Вока маё выліваецца і не перасыхае, бо палёгкі няма,
пакуль ня ўгледзіць і ня ўбачыць Гасподзь зь нябёсаў.Пс 79:15
Вока маё засмучае душу маю дзеля ўсіх дочак майго горада.Плач 1:16
Па ўсякаму сіліліся вылавіць мяне, як птушку, ворагі мае, бязь ніякай прычыны;Ер 12:9
укінулі жыцьцё маё ў яму і закідалі мяне камянямі.Ер 37:15
Воды падняліся да галавы маёй; я сказаў: «загінуў я».
Я заклікаў імя Тваё, Госпадзе, зь ямы глыбокай.Пс 129:1
Ты чуў голас мой; не затулі Тваё вуха ад уздыханьня майго, ад енку майго!
Ты набліжаўся, калі я клікаў Цябе, і казаў: ня бойся!
Ты абараняў, Госпадзе, дзеі душы маёй; акупляў жыцьцё маё.
Ты бачыш, Госпадзе, крыўду маю; рассудзі справу маю.
Ты бачыш усю помсьлівасьць іхнюю, усе намыслы іхнія супраць мяне;
Ты чуеш, Госпадзе, лаянку іхнюю, усе намыслы іхнія супраць мяне,
словы тых, што паўстаюць на мяне, і іхнія хітраваньні супроць мяне дзень у дзень.
Паглядзі, ці сядзяць яны, а ці ўстаюць, я для іх - песьня.
Аддай ім, Госпадзе, паводле дзеяў рук іхніх;Пс 27:4
пашлі ім памрочышча сэрца і пракляцьце Тваё на іх;
перасьледуй іх, Госпадзе, гневам тваім, і вынішчы іх з паднябеснай.Пс 78:6