Пс Псалтыр, псалом Псалтыр, псалом 110
Алілуя.
Слаўлю Цябе, Госпадзе, усім сэрцам маім на радзе праведных і на сходні.Пс 9:2; Габр 10:25
Вялікія дзеі Гасподнія, вабныя ўсім, хто іх любіць.Ёў 37:14
Дзея Ягоная - слава і хараство, і праўда Ягоная застаецца навечна.Пс 9:9; Пс 47:11; Пс 101:28
Незабыўнымі зрабіў Ён цуды Свае; літасьцівы і шчодры Гасподзь.
Ежу дае тым, хто баіцца Яго; вечна памятае Свой запавет.Пс 36:19; Лк 1:72
Сілу дзеяў Сваіх паказаў Ён народу Свайму, каб даць яму спадчыну язычнікаў.Дрз 9:6
Дзеі рук Ягоных праўда і суд; усе Яго запаведзі правільныя,Дан 4:34
цьвёрдыя на вякі вечныя, заснаваныя на праўдзе і слушнасьці.
Збавеньне паслаў Ён народу Свайму; наказаў навечна Свой запавет. Сьвятое і страшнае імя Ягонае!Лк 1:68; Лк 11:2
Пачатак мудрасьці страх Гасподні: розум правільны ва ўсіх, хто выконвае запаведзі Ягоныя. Хвала Яму няхай будзе вечная.Ёў 28:28; Выс 1:7; Выс 9:10