Psa Mga SalmoThi thiên, salmothi thiên Ang Libro sa Mga SalmoThi thiên, salmothi thiên 63

Bản dịch So sánh

Ang awit ni David sa dihang didto siya sa kamingawan sa Juda.1Sa 23:14

O Dios, ikaw ang akong Dios!

Nangandoy gayod ang akong kalag kanimo,

sama nga mangandoy ako

ug tubig diha sa disyerto.Isa 26:9; Psa 42:2

Nakita ko gayod ang imong pagkagamhanan

ug pagkahalangdon diha sa imong balaang puloy-anan.Psa 23:6; Psa 27:4

Dayegon ka nako tungod kay ang imong gugma

mas bililhon pa kaysa kinabuhi.

Pasalamatan ka nako samtang aduna pa akoy kinabuhi.

Ibayaw ko ang akong mga kamot sa pag-ampo kanimo63:4 kanimo: sa literal, sa imong ngalan..

Matagbaw ako sama sa tawo nga nabusog pag-ayo sa kombira.

Ug magdayeg ako kanimo nga naghugyaw sa kalipay.

Samtang naghigda ako gihinumdoman ka nako.

Sa tibuok gabii namalandong ako kanimo,Psa 35:28

kay ikaw ang nagtabang kanako.

Maghugyaw ako sa kalipay ilalom sa imong pagpanalipod.Psa 17:8

Nagsalig ako kanimo,

ug gikuptan mo ako aron dili ako maunsa.Isa 41:10

Ang mga nagtinguha sa pagpatay kanako mahiadto sa dapit sa mga patay.Num 16:32

Mangamatay sila sa gira,

ug ang ilang mga patayng lawas kan-on sa ihalas nga mga iro.

Maglipay ang hari tungod sa gihimo sa Dios kaniya.

Malipay usab ang tanang nanumpa sa ngalan sa Dios.

Apan patak-omon sa Dios ang mga baba sa mga bakakon.Deu 6:13; Isa 19:18; Jer 4:2