约伯记 21的不同译本
Пераклад Сёмухі
21:1
Сёмуха
І адказваў Ёў і сказаў:
21:2
Сёмуха
выслухайце ўважліва слова маё, і гэта будзе мне суцяшэньнем ад вас.
21:3
Сёмуха
Патрывайце мяне, і я буду гаварыць; а пасьля таго, як пагавару, насьміхайцеся.
21:4
Сёмуха
Хіба да чалавека слова маё? як жа мне і не маладушнічаць?
21:5
Сёмуха
Паглядзеце на мяне і жахнецеся, і пакладзеце палец на вусны.
21:6
Сёмуха
Як толькі я згадаю, - уздрыгваю, і трымценьне абдымае цела маё.
21:7
Сёмуха
Чаму беззаконныя жывуць, дасягаюць старасьці, ды і сілаю моцныя?
21:8
Сёмуха
Дзеці іхнія зь імі перад абліччам ў іх, і ўнукі іхнія перад вачыма ў іх.
21:9
Сёмуха
Дамы іхнія ўбясьпечаны ад страху, і няма жазла Божага на іх.
21:10
Сёмуха
Бык іхні апладняе і ня выкідае, карова іхняя зачынае, і ня скідае.
21:11
Сёмуха
Як статак, выпускаюць яны малечу сваю, і дзеці іхнія скачуць.
21:12
Сёмуха
Усклікаюць пад тымпан і цытру і весяляцца пад жалейку;
21:13
Сёмуха
бавяць дні свае ў шчасьці і імгненна сыходзяць у апраметную.
21:14
Сёмуха
А тым часам яны кажуць Богу: адыдзі ад нас, ня хочам мы ведаць шляхоў Тваіх!
21:15
Сёмуха
што нам Усеўладны, каб слугаваць Яму? і якая карысьць хінуцца да Яго?
21:16
Сёмуха
Бачыш, шчасьце іхняе не ад іхніх рук. - Парада бязбожных, будзь далёкая ад мяне!
21:17
Сёмуха
Ці часта тухне сьвяцільня ў беззаконных, і нападае на іх бяда, і Ён дае ім на долю пакуты ў гневе Сваім?
21:18
Сёмуха
Яны павінны быць, як саломінка перад ветрам, і як мякіна, якую нясе віхура.
21:19
Сёмуха
Скажаш: Бог ашчаджае дзецям ягоным няшчасьце ягонае. - Хай аддасьць ён яму самому, каб ён гэта ведаў.
21:20
Сёмуха
Хай яго вочы ўбачаць няшчасьце ягонае, і хай ён сам п'е ад гневу Ўсеўладнага.
21:21
Сёмуха
Бо які яму клопат да дому свайго пасьля яго, калі лік месяцаў ягоных скончыцца?
21:22
Сёмуха
Але ці Бога вучыць мудрасьці, калі Ён судзіць і вышніх?
21:23
Сёмуха
Адзін памірае ў самай поўніцы сілы сваёй, цалкам спакойны і мірны;
21:24
Сёмуха
нутроба ягоная поўная тлушчу, і косткі ягоныя напоены мозакам.
21:25
Сёмуха
А другі памірае з душою засмучанаю, не зазнаўшы дабра.
21:26
Сёмуха
І яны разам будуць ляжаць у пыле, і чэрві пакрыюць іх.
21:27
Сёмуха
Ведаю я вашыя думкі і ўлоўкі, якія вы супраць мяне плецяце.
21:28
Сёмуха
Вы скажаце: дзе дом князя, і дзе намёт, у якім жылі беззаконныя?
21:29
Сёмуха
Хіба вы ня пыталіся ў вандроўнікаў і не знаёмыя зь іхнімі назіраньнямі,
21:30
Сёмуха
што ў дзень пагібелі літаваны бывае злодзей, у дзень гневу адводзіцца ўбок?
21:31
Сёмуха
Хто паставіць яму перад аблічча ягонае шлях ягоны, і хто аддасьць яму за тое, што ён учыняў?
21:32
Сёмуха
Яго праводзяць да магілы і на яго магіле ставяць варту.
21:33
Сёмуха
Салодкія яму камлыгі даліны, і за ім ідзе натоўп людзей, а тым, што ідуць перад ім, ліку няма.
21:34
Сёмуха
Як жа вы хочаце суцяшаць мяне пустым? У вашых адказах застаецца толькі мана.