Кал Каласянам, раздзел Пасланне да Каласян, раздзел 1

Павал, апостал Ісуса Хрыста з волі Божай, і Цімафей, брат, —

тым, што ў Калосах, сьвятым і верным братам у Хрысьце: ласка вам і супакой ад Бога Айца нашага і Госпада Ісуса Хрыста.

Дзякуем Богу і Айцу Госпада нашага Ісуса Хрыста, заўсёды молячыся пра вас,Флп 1:3

пачуўшы пра веру вашую ў Хрыста Ісуса і пра любоў да ўсіх сьвятых,Габр 6:10

дзеля надзеі, якая вызначана вам у небе, пра што вы раней чулі ў слове праўды Эвангельля,

якое ёсьць у вас, як і ў-ва ўсім сьвеце, і дае плод, як і між вамі, з таго дня, калі вы пачулі і пазналі ласку Божую ў праўдзе,Мц 13:8; Ян 15:16

як і навучыліся ад Эпафраса, улюбёнага таварыша нашага, які ёсьць верным за вас служыцелем Хрыста,

які і паведаміў нам пра вашую любоў у духу.

Дзеля гэтага і мы з таго дня, як пачулі, не перастаем маліцца за вас і прасіць, каб вы былі напоўненыя пазнаньнем волі Яго ў-ва ўсякай мудрасьці і разуменьні духоўным,Рым 12:2

каб вы хадзілі дастойна Госпада, у-ва ўсім дагаджаючы [Яму], даючы плод у кожнай добрай справе і ўзрастаючы ў пазнаньні Бога,Эф 4:1; Флп 1:27; 1Фес 2:12

дужэючы ўсякаю сілаю паводле магутнасьці славы Яго на ўсякую цярплівасьць і доўгацярплівасьць з радасьцю,Дзеі 5:41

дзякуючы Айцу, Які даў нам здольнасьць удзельнічаць у спадчыне сьвятых у сьвятле,Дзеі 26:18

Які выбавіў нас ад улады цемры і перамясьціў у Валадарства Сына любові Сваёй,Мц 3:17; Габр 2:15

у Якім мы маем адкупленьне праз кроў Ягоную і адпушчэньне грахоў.Рым 3:25

Ён ёсьць вобраз Бога нябачнага, Першародны ўсякага стварэньня;Выс 8:22; Габр 1:3

бо ў Ім створана ўсё, што ў небе і што на зямлі, бачнае і нябачнае: ці то пасады, ці то панаваньні, ці то начальствы, ці то ўлады, — усё праз Яго і для Яго створана;Ян 1:3; Эф 3:9; Габр 1:2

і Ён ёсьць перад усім, і ўсё ў Ім стаіць.Ян 1:1

І Ён ёсьць галава Цела — Царквы; Ён — Пачатак, Першародны з мёртвых, каб быць Яму ў-ва ўсім першым,Рым 8:29; 1Кар 15:20; Эф 1:22

бо было даспадобы, каб у Ім жыла ўсякая поўняКал 2:9

і каб праз Яго пагадзіць з Сабою ўсё, учыніўшы праз Яго, праз кроў крыжа Ягонага мір і з тым, што на зямлі, і з тым, што ў небе.Іс 9:5; Лк 2:14

І вас, якія былі некалі адлучаныя і ворагі, разуменьнем [зьвернутыя] да злых справаў,

цяпер пагадзіў ва ўласным целе Яго праз сьмерць, каб паставіць вас сьвятымі, і беззаганнымі, і бездакорнымі перад Сабою,Лк 1:75; Рым 5:10; 1Кар 1:2; Эф 1:4; Ціт 2:14

калі толькі застаецеся ў веры цьвёрда і непарушна, і не адпадаеце ад надзеі Эвангельля, якое вы чулі, якое абвешчана ўсяму стварэньню пад небам, якога я, Павал, стаўся служыцелем.

Цяпер я радуюся ў пакутах маіх за вас і дапаўняю нястачу ў целе маім прыгнётаў Хрыстовых за Цела Ягонае, якое ёсьць Царква,Рым 5:3

якой я стаўся служыцелем паводле распарадкаваньня Божага, дадзенага мне дзеля вас, каб споўніць слова Божае,1Кар 4:1; 1Кар 9:17

тайну, схаваную ад вякоў і ад пакаленьняў, а цяпер выяўленую сьвятым Ягоным,Рым 16:25; Эф 3:9

якім захацеў Бог паведаміць, якое багацьце славы тайны гэтай сярод паганаў, якая ёсьць Хрыстос у вас, надзея славы,Рым 9:23; Эф 3:17

Якога мы прапаведуем, настаўляючы ўсякага чалавека і вучачы ўсякага чалавека ўсякае мудрасьці, каб нам паставіць усякага чалавека дасканалым у Хрысьце Ісусе,2Кар 11:2

дзеля чаго я і працую, змагаючыся паводле дзеяньня Яго, якое дзейнічае ў-ва мне магутна.1Кар 15:10; Флп 2:13