Ляв Лявіт, раздзел Трэцяя кніга Майсеева. Лявіт, раздзел 18
І прамовіў ГОСПАД да Майсея, кажучы:
«Прамоў да сыноў Ізраіля і скажы ім: “Я — ГОСПАД, Бог ваш.Ляв 11:44
Не рабіце паводле звычаю зямлі Эгіпецкай, у якой вы жылі. І паводле звычаю зямлі Ханаан, у якую Я ўвяду вас, не рабіце, і не хадзіце паводле пастановаў іхніх.
Будзеце спаўняць прысуды Мае і пастановы Мае, захоўваць і хадзіць паводле іх. Я — ГОСПАД, Бог ваш.Мц 15:3
Захоўвайце пастановы Мае і прысуды Мае. Выконваючы іх, чалавек будзе жыць дзякуючы ім. Я — ГОСПАД!Езк 20:11; Нээм 9:29; Рым 10:5; Гал 3:12
Ніхто ня можа набліжацца да сваяка, каб адкрыць голасьць ягоную. Я — ГОСПАД.2Цар 16:22
Не адкрывай голасьці бацькі твайго і маці тваёй, бо гэта — маці твая, не адкрывай голасьць ейную.Быц 9:22; Быц 19:32; Езк 22:10
Не адкрывай голасьці жонкі бацькі твайго, бо гэта голасьць бацькі твайго.Дрз 27:20; 2Цар 16:22; Езк 22:10
Не адкрывай голасьці сястры тваёй, дачкі бацькі твайго або дачкі маці тваёй, ці яна нарадзілася ў доме, ці па-за домам. Не адкрывай голасьці іх.Дрз 27:22; 2Цар 13:12; Езк 22:11
Не адкрывай голасьці дачкі сына твайго або дачкі дачкі тваёй, бо гэта голасьць твая.
Не адкрывай голасьці дачкі жонкі бацькі твайго, народжанай ад бацькі твайго; гэта сястра твая, не адкрывай голасьці яе.
Не адкрывай голасьці сястры бацькі твайго, бо яна сваячка бацькі твайго.Ляв 20:19
Не адкрывай голасьць сястры маці тваёй, бо яна сваячка маці тваёй.
Не адкрывай голасьці брата бацькі твайго, не ўваходзь да жонкі ягонай, бо гэта цётка твая.Ляв 20:20
Не адкрывай голасьці нявесткі тваёй, бо яна жонка сына твайго, не адкрывай голасьці яе.Быц 38:16; Дрз 27:23; Езк 22:11
Не адкрывай голасьці жонкі брата твайго, бо гэта голасьць брата твайго.Ляв 20:21; Мц 14:4; Мк 6:18
Не адкрывай голасьці жанчыны і дачкі яе. Не бяры дачкі сына ейнага ані дачкі дачкі ейнай, каб адкрыць голасьць яе, бо яны — сваячкі яе. Гэта брыдота.Ляв 20:14
Не бяры жанчыны разам з сястрой яе, каб не зрабіць яе суперніцай, адкрываючы голасьць яе за жыцьця гэтай.
Не набліжайся да жанчыны ў час месячніцы, каб адкрыць голасьць яе.Ляв 15:19
Не ўваходзь да жонкі бліжняга твайго, выліваючы насеньне; праз гэта [станешся] ты нячысты.Ляв 20:10
Не аддавай дзіцяці твайго, каб прывесьці да Малоха, і ня будзеш паганіць імя Бога твайго. Я — ГОСПАД.Ляв 20:2; 4Цар 23:10
Не ляжы з мужчынам так, як ляжаць з жанчынаю. Гэта агіда.Рым 1:27; 1Кар 6:9
Не лажыся ні з якою жывёлаю, бо праз гэта [станешся] нячысты. І жанчына ня стане перад жывёлаю, каб злучыцца з ёю, бо гэта вычварэньне.Вых 22:18
Не паганьцеся ўсім гэтым, бо ўсім гэтым апаганілі сябе народы, якія Я выганю перад вамі.Ляв 20:23; 4Цар 17:15
І апаганілася зямля, і Я пакараў [яе] за беззаконьні ейныя, і выкінула яна з сябе жыхароў сваіх.Іс 26:21
Дык вы захоўвайце пастановы Мае і прысуды Мае, і не дапускайцеся ўсіх гэтых брыдотаў, ані тутэйшыя, ані прыхадні, якія жывуць сярод вас,
бо ўсіх гэтых брыдотаў дапускаліся жыхары зямлі, якія былі перад вамі, і апаганілася зямля.
[Сьцеражыцеся], каб і вас гэтая зямля ня выкінула, калі будзеце паганіць яе, як яна выкінула з сябе народ, які быў перад вамі.Ляв 20:22
Бо кожны [чалавек], які ўчыніць адну з гэтых брыдотаў, будзе вынішчаны спасярод народу свайго.
Захоўвайце загады Мае. Не дапускайцеся брыдотных звычаяў, як дапускаліся тыя, што былі перад вамі, і не паганьцеся імі. Я — ГОСПАД, Бог ваш”».Ляв 19:37; Ляв 20:8